Kitapxana- málimleme mákemelerin basqarıw sistemasi Reje

Kadrlar tayrlaw hám qayta tayarlaw sisteması óz isine joqarı hám orta arnawlı bilim orınlarında kitapxanashılıq tarawı ushın kadrlar tayarlaw, olardı mamanlıǵın asırıw, iri kitapxanalarda shólkemlestiriletuǵın seminarlar, stajirovkalar, sáwbetler x.t.b.

Usı sistema iskerligi kitapxanashılıq jumısı sistemasın taǵı bir kishi sisteması, ilimiy- izertlew sistema menen baylanıslı. Sistema ózine joqarı oqıw ornındaǵı kafedralardı, iri kitapxanalardı ilimiy-izertlew bólimlerin óz ishine aladı. Ilimiy -metodikalıq támiyinlew kishi sistemasına, Respublika tarmaq ilimiy kitapxanaları, málimleme-kitapxana orayları metodikalıq xızmeti, iri tarawdıń kitapxanalardıń metodikalıq xizmet kórsetiw bólimleri kiredi.

Kitapxana-málimleme iskerligi global máqsetke: insandı málimlemeni erkin alıwın támiyinlew, adamlardı watan hám jáhán mádeniyatınıń eń jaqsı úlgileri hám ǵáziyneleri menen tanıstırıw, xalıqdı úzliksiz túrde ósip baratuǵın málimlemege hám ruwxıylıqǵa bolǵan talapların qanaatlandırıwdan ibarat bolıp esaplanadi. Quramalı hám kóp basqıshlı kitapxana-málimleme iskerligi sistemasınıń kishi sistemaları óz gezeginde ózleriniń atqaratuǵın wazıypalarına iye bolıp esaplanadı. Mısalı, kadrlar tayarlaw hám qayta tayarlaw kishi sisteması-taraw ushın joqarı maman qánigeler jetistiriwdi ámelge asıradı.

Fonddı komplektlew hám shólkemlestiriw kishi sisteması bolsa, kitapxana ushın zárúr bolǵan baspa ónimleri hám málimleme materialları menen támiyinlew jumısların ámelge asıradı. Joqarıdaǵı kishi sistemalar rawajlanıwı zárúr. Sonda kitapxana-málimleme iskerligi óz aldında turǵan wazıypalar tolıq atqarıladı.

Kitapxana-málimleme iskerligi sisteması rawajlanıwınıń nizamlıqları bar. Áwele nizamlıq túsinigine toqtalıp ótemiz.

Nizamlıq - bul tábiyatda hám jámiyettegi hádiyseler ortasındaǵı obyektiv baylanıslardı qaytarılıp turılıwı bolıp tabıladı. Kitapxana-málimleme iskerliginde bolsa, strukturalıq bólimler ortasındaǵı, hámde kitapxana-málimleme iskerligi sisteması hám jámiyet ortasındaǵı baylanıslar bolıp tabıladı. Keyingi jıllarda bul tarawdaǵı ilimiy pikirlerin jıynaǵan halda olarǵa qısqasha toqtalıp ótemiz. Kitapxana-málimleme iskerliginiń rawajlanıwındaǵı tiykarǵı nizamlarınan biri bul - kitapxana hám málimleme mákemeleriniń óz-ara birge islesiwi nizamı bolıp tabıladı. Bul nizamlıq boyınsha kitapxanalar hám málimleme mákemeleri ózlerindegi málimleme resurslarınan paydalanıwshılardıń paydalanıwın ámelge asırıw ushın hár qıylı jollar menen birge háreket etiwleri kerek bolıp tabıladı.