Kitapxana- málimleme mákemelerin basqarıw sistemasi Reje

Haqıyqattan da tariyxǵa názer taslasaq, uzaq jıllar dawamında xalıqdı málimlemege hám ruwxıylıqǵa bolǵan talabın qanaatlandırıw ushın kitapxanalar hám málimleme mákemeleri óz ara birge islesiwdi ámelge asırıp kelgen hám ámelge asırıp barmaqta.

Ekinshi nizamlıq - bul kitapxana-málimleme iskerligi sistemasında tóplanǵan málimlemelerden paydalanıwdı sociallıq natiyjeliligin asırıw bolıp tabıladı. Bul nizam boyınsha kitapxana-málimleme iskerligi sisteması jáne onıń bólimleri, atap aytqanda kitapxanalar, óz fondlarında toplaǵan málimlemelerdı pútkil jámiyet hám paydalanıwshılardıń qızıǵıwshılıqların maksimal dárejede, úzliksiz túrde qanaatlandırıwǵa háreket etiwi bolıp tabıladı.

Kitapxanashılıq isiniń úshinshi nizamıǵı bul - kitapxana-málimleme iskerliginiń dinamikligi yaǵnıy ózgeriwshenligi bolıp tabıladı. Kitapxana-málimleme iskerligi qatıp qalǵan sistema emes, ol mudami ózgerip, rawajlanıp baratuǵın sistema bolıp tabıladı. Bul jaǵday búgingi kún ámeliyatında kózge ayqın taslanıp atır. Mısalı jigirmalanshı asirdegi kitapxana-málimleme iskerliginiń rawajlanıw processin kóriw jetkilikli bolıp tabıladı. Kitapxana-málimleme iskerligin málimlemelestiriw processi ámelge asırıp atır. Jańa málimleme texnologiyaları, elektron maǵlıwmat bazaların shólkemlestiriw hám olardan paydalanıw jumısları, kitapxanalardı óz-ara sherikligin tarmaq texnologiyaları arqalı ámelge asırıw jumısları, jáhán kitapxanashılıq processine hám jáhán málimleme ayrbaslaw processine kiriw jumısları ámelge asırılıp atır. Bulardıń barlıǵı kitapxanashılıq jumısın dinamikalıq rawajlanıp atırǵanlıǵın, zamanagóy talaplarǵa juwap beretuǵın rawajlanıw jolında ekenligin ańlatadı.

Tórtinshi nizamlıq- bul - kitapxana-málimleme iskerligin demokratiyalastırıw. Bul nizamlıq boyınsha kitapxana-málimleme iskerligi tekǵana úzliksiz tálim hám ózbetinshe tálimdi ámelge asırıwshı, shaxsdıń dúnyaǵa kóz qarasın hám oylawın rawajlantıratuǵın tiykarǵı quralǵana emes, bálki barlıq puqaralardı olardı sociallıq jaǵdayınan, milletinen rasasınan, siyasiy principlerine qaramastan málimleme menen támiyinleytuǵın demokratiyalıq derekligi belgilengen. Ózbekstan Respublikasınıń Konstituciyasinda puqaralardıń málimleme dáreklerinen paydalanıw huqıqları bar ekenligin aytıp ótiwimiz kerek.