Kitapxana- málimleme mákemelerin basqarıw sistemasi Reje

Basqarıw subyekti - bul basqarıwdı ámelge asırıwshı basshılar hám basqarıw apparatı xızmetkerleri bolıp esaplanadı. Basqarıw obyekti bolsa, basqarıwshı adamlar, miynet jámaatleri hám jámiyet bolıp tabıladı. Basqarıw, basqarıw subyekti tárepinen izbe - izlikte ámelge asırılatuǵın operaciyalar bolıp tabıladı. Bularǵa:

- qararlardı tayarlaw hám qabıllaw (nızamlar, normativ aktler, qaǵıydalar hám t.b.);

- qararlardıń atqarılıwın támiyinlew;

- qararlardıń atqarılıwın analiz etiw hám nátiyjelerin bahalaw. Nátiyjeli basqarıwdı shólkemlestiriw ushın sistema komponentleri hám sırtqı faktorlar menen úzliksiz túrde málimleme almasıp turıw zárúr. Málimleme basqarıw subyektine sistemanıń jaǵdayı haqqında málimleme beredi, máqset hám wazıypalardı atqarılıwına tuwrı múnásibette bolǵan halda basqarıw qararlarınıń atqarılıwın támiyinleydi. Basqarıwda áhmiyetli roldi sırtqı faktorlardaǵı, ekonomikalıq, socialliq turmısdaǵı ózgerislerdi esapqa alıw ámelge asırıladı.

Kitapxanashılıq jumısında sırtqı faktorlarǵa baspalar, kitap sawdası shólkemleri, ilimiy- málimleme shólkemleri, kitapxanashılıq quralların tayarlawshı mákeme hám shólkemler, elektron baylanıs quralları hám basqalar kiredi. Olar menen óz-ara munasábetler nızamlar, qaǵıydalar, basqa normativ aktlar arqalı amelge asırıladı. Solay etip, basqarıw qararın qabıllawda tek kitapxanashılıq jumısınıń kishi sistemaları hám elementleriniń jaǵdayın esapqa almasdan, olarǵa tikkeley tásir kórsetiwshi sırtqı faktorlardı da itibarǵa alıw zárúr.

2. “Kitapxana-málimleme iskerligi” sociallıq materiallıq sistema. Onıń tiykarǵı qırları, máqset hám wazıypaları.

“Kitapxana-málimleme iskerligi” - quramalı sociallıq -materiallıq sistema bolıp, ol bir - biri menen tıǵız baylanısqan hámde ayriqsha ózgeshelik hám rawajlanıw nizamlıqlarına iye bolǵan kishi sistemalardan quralǵan. Kitapxana-málimleme iskerligi sisteması tikkeley Respublikamizdıń ekonomikalıq, sociallıq materiallıq bilimlendiriw tarawlarına, ilimine, óndirisine óz tásirin kórsetgen taraw bolıp tabıladı. Álbette bul tásiri tezde sezilmesede, lekin jıllar ótiwi menen óz tásirin kórsetedi. Kitapxana-málimleme iskerligin rawajlandırıw nizamlıqları hám ayriqsha ózgesheliklerine ótiwden aldın bul sistemanı quraytuǵın strukturalıq sistemashaları, olardı sistemadaǵı wazıypaları haqqında biraz toqtalıp ótemiz. Kitapxana-málimleme iskerligi altı strukturalıq kishi sistemadan dúzilgen bolıp, bular:

•