Kitapxanalar tipologiyasi

Málimleme-kitapxana orayları
Málimleme-kitapxana orayları Qaraqalpaqstan Respublikası, wálayatlar hám Tashkent qalasında málimleme-kitapxana iskerligin quraytuǵın hámde ámelge asırıwshı universal málimleme-kitapxana mákemeleri bolıp tabıladı. Málimleme-kitapxana orayları:
- málimleme-kitapxana fondın qáliplestiredi hám onıń pútin saqlanıwın támiyinleydi;
- elektron kitapxana hám elektron katalogdı qáliplestiredi;
- tiyisli aymaqda shiǵarılatuǵın baspalardıń májburiy nusqasın aladı;
- bibliografiyalıq, ilimiy-metodikalıq hám mádeniy-aǵartıwshılıq jumıslardı atqaradı;
- tiyisli aymaqda málimleme-kitapxana mákemeleri iskerligin muwapıqlastıradı hám olardı shólkemlestirilgen-metodikalıq tárepten támiyinlewdi ámelge asıradı;
- jıynama elektron katalogdı qáliplestiriwde qatnasadı;
- málimleme-kitapxana resurslarınan óz-ara paydalanıw ushın shárt-shárayatlar jaratadı;
- basqa málimleme-kitapxana mákemeleri menen birge islesiwti ámelge asıradı;
- tiyisli aymaqda málimleme-kitapxana mákemeleriniń depozitar saqlanatuǵın málimleme-kitapxana resursların toplaydı ámelge asıradı hám olardıń esabın júrgizedi. Málimleme-kitapxana orayları nızam hújjetlerine muwapıq basqa xızmetlerdi de ámelge asırıwı múmkin. Málimleme-kitapxana oraylarınıń málimleme-kitapxana fondı mámleketlik múlk bolıp tabıladı. Málimleme-kitapxana orayı tuwrısındaǵı úlgili Nızam Ózbekstan Respublikası Ministrler Kabineti tárepinen tastıyıqlanadı.
Málimleme-resurs orayları
Málimleme-resurs orayları mámleketlik tálim mákemeleri janında islengen, oqıwshı jaslardıń, sonıń menen birge xalıqtıń málimlemege bolǵan talapların qánaatlantırıwǵa qaratılǵan málimleme-kitapxana iskerligin ámelge asırıwshı universal málimleme-kitapxana mákemeleri bolıp tabıladı.
Málimleme-resurs orayları:Tálim mákemeleriniń qánigeligine muwapıq tiykarınan ilimiy-tálimge tiyisli mazmundaǵı málimleme-kitapxana fondın qáliplestiredi jáne onıń pútin saqlanıwın támiyinleydi;
- elektron kitapxana hám elektron katalognı qáliplestiredi;
- shaxsdıń ruwxıy bay hám bárkámal dóretiwshilik ósiwi ushın múmkinshilikler jaratqan halda ózindegi hám ózinen uzaqtaǵı málimleme-kitapxana resurslarınan paydalanıw tiykarında Ózbekstan xalqiniń tariyxıy, ruwxıy hám materiallıq miyraslarınan paydalanıwshılarǵa xızmet kórsetedi;
- málimleme-kitapxana resurslarınan óz-ara paydalanıwdı támiyinleydi;
- basqa málimleme-kitapxana mákemeleri menen birge islesiwti ámelge asıradı;
- jıynama elektron katalogdı qáliplestiriwde qatnasadı;
- materiallıq, tálim, málimleme programmaları hám proektlerın hámde taǵı basqa programmalar hám proektlerdi birge ámelge asırıw ushın tálim, ilimiy shólkemler hám arxivler, jergilikli mámleketlik hákimiyat shólkemleri, milliy mádeniyat orayları hám basqa shólkemler menen birge islesiwdi rawajlantıradı. Málimleme-resurs orayları nızam hújjetlerine muwapıq basqa xızmetlerdi de ámelge asırıwı múmkin. Málimleme-resurs oraylarınıń málimleme-kitapxana fondı mámleketlik múlki bolıp tabıladı. Málimleme-resurs orayı tuwrısındaǵı úlgi Nızamda Ózbekstan Respublikası Ministrler Kabineti tárepinen tastıyıqlanadı.