Бу поғонада охирги фойдаланувчига пакетларнинг тўғри бориш тартиби назорат қилинади. Сеанс поғонаси
Фойдаланувчиларнинг узоқлашган жараёнлари ўртасида алоқа сеансини очиш учун мўлжалланган. У шартли адресларни, яъни ахборотни киритиш/чиқариш нуқталари рақами ёки охирги тизимларни ўзаро боғланган портларини аниқлаш билан шуғулланади. - Сеанс поғонаси хар хил компьютерлардаги икки қўлланиш дастурлари орасида сеанс деб аталувчи боғланишни ўрнатиш, фойдаланиш ва якунлаш имконини беради.
- Ушбу поғонада тармоқдаги икки қўлланиш дастурлар алоқаси учун зарур бўлган номларни таниб олиш ва ҳимоя вазифалари бажарилади, ўзаро боғланиш жараёнлар ўртасида диалогни бошқаришни таъминлайди, яъни томонлардан қайси бири қачон ва қанча вақт узатиш бажаришини бошқаради.
Тақдимот поғонаси
Олтинчи поғона-тақдимот поғонаси, еттинчи поғонадан келган маълумотлар мазкур тармоқда ҳар қандай маълумот тақдим этиладиган кўринишга айлантирилади. Бу орқали тармоқ охирги тизимлари сифатида компьютернинг ҳар хил турларини қўллашни чекламайди. Бу ерда маълумотларни сиқиш, уларни шифрлаш каби вазифалар амалга оширилади. Тақдимот поғонаси
- Тақдимот поғонаси тармоқ компьютерлари ўртасида маълумотлар алмашуви шаклини белгилайди.
- Қўлланиш поғонасидан келиб тушган маълумотлар юборувчи-компьютерда умумлаштирилиб оралиқ шаклга ўтказилади.
- Қабул қилувчи-компьютерда оралиқ шаклдан ушбу компьютернинг қўлланиш поғонасида ишлатиладиган шаклга айлантириш бажарилади, яъни такдимот поғонаси тармоқда узатилаётган ахборотнинг таркибини ўзгартирмаган ҳолда уни касб этиш шакли билан ишлайди. Бу орқали бир тизимнинг қўлланиш поғонаси томонидан узатилаётган ахборот бошқа тизимнинг қўлланиш поғонасига доим тушунарли бўлади.
Амалий поғона
Еттинчи поғона бўлиб, унда фойдаланувчилар терминал тизимларида ва улар ўзаро ҳамкорлик қиладиган тармоқнинг охирги тизимларида бажариладиган қўлланиш жараёнлари ўзаро ҳамкорлиги бошқаруви амалга оширилади.
Do'stlaringiz bilan baham: |
