Koronavirus pandemiyasi va global inqiroz holatlarining

V bob. Bank sektoridagi asosiy chora-tadbirlar 

Amaliy harakatlar rejasining samaradorligi ko„p jihatdan bank tizimining moliyaviy ko„magi 

asosida xo„jalik yurituvchi subyektlarning tadbirkorlik faoliyatini tiklashi bilan bog„liq bo„ladi. 

Amaliy  harakatlar  rejasi,  2020  —  2025-yillarga  mo„ljallangan  bank  tizimini  isloh  qilish 

Strategiyasida tasdiqlangan chora-tadbirlarni hisobga olgan holda quyidagilarni nazarda tutadi: 

---

a) 2020-yil oxirigacha bo„lgan davr uchun: 

iqtisodiy  faoliyatni,  shu  jumladan,  kichik  biznes  va  xususiy  tadbirkorlikni  qo„llab-

quvvatlash maqsadida, iqtisodiy chora-tadbirlarni qo„llagan holda tadbirkorlik subyektlariga berilgan 

kreditlar bo„yicha foiz stavkalarini o„rtacha darajada pasaytirish choralari ko„rish; 

kechiktirilgan  qarz  miqdorini  hisobga  olgan  holda,  bank  tizimining  likvidligini  baholash 

uchun stress-testlarni o„tkazish; 

majburiy zaxiralash shartlarining qayta ko„rib chiqilishi munosabati bilan tijorat banklariga 

2,2 trillion so„m miqdorida qo„shimcha likvidlik berish, shuningdek, Markaziy bankning pul-kredit 

instrumentlaridan,  shu  jumladan,  maxsus  vositadan  foydalangan  holda  3  —  6  oy  muddatga,  faqat 

kichik  biznes  va  tadbirkorlikning  iqtisodiy  faoliyatini  qo„llab-quvvatlash  uchun  2,6  trillion  so„m 

taqdim etish; 

koronovirus  pandemiyasidan  zarar  ko„rgan  korxonalarni  qo„llab-quvvatlashni  kengaytirish 

maqsadida ularni 2020-yilning ikkinchi yarmida 17 trillion so„m miqdorida aylanma mablag„lar bilan 

ta‟minlash; 

xalqaro moliya institutlari va xorijiy ekspertlarni jalb qilgan holda davlat banklari faoliyatini 

kompleks diagnostika qilish asosida transformatsiya dasturlarini (yo„l xaritalarini) ishlab chiqish; 

nobank  kredit  tashkilotlarini  rivojlantirish  uchun  huquqiy  asoslarni  yaratish,  O„zbekiston 

Respublikasining “Nobank kredit tashkilotlari to„g„risida” gi Qonunini qabul qilish; 

banklarda  korporativ  boshqaruv  to„g„risidagi  nizomning  yangi  tahririni  tasdiqlagan  holda 

korporativ boshqaruv sohasida Bazel qo„mitasining tamoyillarini joriy etish; 

banklarni litsenziyalash to„g„risidagi nizomlarni qayta ko„rib chiqish orqali xorijiy strategik 

investorlarni bank sektoriga jalb etish shart-sharoitlarini shakllantirish; 

xalqaro  standartlar  asosida  tijorat  banklarida  tavakkalchilik  tamoyili  asosida  boshqarishni 

joriy etish. 

b) 2021-yilda amalga oshirish uchun taklif etilgan chora-tadbirlar: 

bank operatsiyalarini soddalashtirish, jumladan, kredit berish bo„yicha qarorlar qabul qilish, 

shuningdek,  bank  xizmatlarini  raqamlashtirish  orqali  bank  tizimi  va  tadbirkorlik  subyektlari 

xarajatlarini kamaytirish; 

mulk  yoki  pul  shaklida  garov  talab  qilmaydigan,  shu  jumladan,  ishonch,  loyihani 

moliyalashtirish kabi kreditlash vositalarini kengaytirish; 

mavjud avtomatlashtirilgan bank tizimlarini baholash uchun tijorat banklarining AT-auditini 

o„tkazish; 

loyiha  takliflarini  shakllantirish  va  ularni  asoslashga  yordam  berish,  ishga  tushirilgandan 

so„ng  loyihalarni  qo„llab-quvvatlash,  shu  jumladan,  aylanma  mablag„larni  o„z  vaqtida  to„ldirish 

orqali mijozlar bilan hamkorlik aloqalarini mustahkamlash.