Кошкарбай шежире илимий жумыс

Izertlew jumısınıń obekti hám predmeti: Izertlew jumısımızdıń obiekti etip, Berdaqtıń “Shejire” shıǵarması etip aldıq. Kurs jumısımızdıń predmeti bolsa bul shıǵarmanıń izertleniwi haqqında sóz júritemiz.
Jumıstıń izertleniwi: Berdaqtıń «Shejire» shıǵarmasınıń izertleniwi 1930-jıllardan baslanadı. Bul dáwirdegi ilimpazlar tek ǵana kishigirim pikir aytıwdan arı óte almadı. Shejireni izertlewshiler N. Dáwqaraev, I.Saǵitov, M.Nurmuхammedov, Q.Maqsetov, H.Hamidovlar boldı.
Bul ilimpazlardıń «Shejire» tuwralı miiynetleri maqalalıq izertlewler dáreginde bolıp qaldı. Elege shekem Berdaqtıń «Shejire» shıǵarması ádebiyattanıw iliminde arnawlı túrde monografiyalıq izertlew jumısına aylanǵan emes. «Shejire» tek ǵana tariyхshı ilimpaz M.Tilewmuratov tárepinen tariyхıy aspekte arnawlı⁷ izertlendi. Sonıń menen birge prof. Á. Paхratdinov ta bul «Shejire»ni ádebiy-tariyхıy, ádebiy-kritikalıq aspektte izertledi.⁸
«Shejire» bulardan basqa hár qıylı aspektlerde, sonday-aq lingivistikalıq aspektte de úyreniliwi múmkin.


Izertlew jumısımızdı metodologiyalıq tiykarları retinde Ózbekistan Respublikasınıń birinshi Prezidenti I.A.Karimovtıń xalqımızdıń ruwxıy dúnyası, mádeniy hám ádebiy miyrasları klassik shayırlarımız haqqında hám olarǵa házirgi zaman talapları dárejesine janbasıw haqqında oy-pikirlerine, kitaplarına, sonıń ishinde «Joqarı mániwiyat jen`ilmes kúsh» (2005) kitabına, maqalalarına, bayanatlarına súendik. Sonıń menen birge, klassikalıq miyrastı izertlew boyınsha bir qatar kórnekli miynetlerden teoriyalıq tiykar hám ilimiy tájiriybe retinde paydalandıq.


Izertlew jumısınıń maqseti hám wazıyapaları: Biziń kurs jumısımız Berdaqtıń «Shejire» shıǵarmasınıń izertleniwi bolǵanlıǵı sebepli, maqsetimiz bul shıǵarmanıń basqa xalıq awızeki dóretpelerge salıstırǵanda ózgeshelikke iye ekenligin, sonday-aq uqsas táreplerin analizlep dálillewden ibarat. Mine usı maqsetimizge jetiw ushın tómendegi wazıypalardı belgilep aldıq:
Berdaqtıń «Shejire» shıǵarmasınıń ózine tán ózgesheligi
-Shejiretanıwshılar haqqında
-Berdaqtıń “Shejire” shıǵarmasınıń izertleniw tarıyxı
-Berdaqtıń “Shejire” shıǵarmasınıń syujeti
-Berdaqtıń “Shejire” shıǵarmasınıń kompoziciyası