Kredit tizimi asosida talabalar bilimini nazorat qilish va baholash tartibi

---

1 
Urganch RANCH texnologiya 
universiteti Kengashining 2023 yil
3 – sonli majlisi bayonnomasi 3-ilovasi 
URGANCH RANCH TEXNOLOGIYA UNIVERSITETIDA TA’LIMNING 
KREDIT TIZIMI ASOSIDA TALABALAR BILIMINI NAZORAT QILISH VA 
BAHOLASH TARTIBI 
I. Umumiy qoidalar. 
1. Mazkur tartib asosida talabalar bilimini nazorat qilsih va baholashdan maqsad 
ta’lim sifatini oshirish, kreativ fikrlash ko‘nikmalarini mustahkamlash orqali 
raqobatbardosh kadrlar tayyorlashga erishish, talabalarning fanlarni o‘zlashtirishida 
bo‘shliqlar hosil bo‘lishining oldini olish, ularni aniqlash va bartaraf etishdan iborat. 
2. Mazkur tartib Urganch Ranch texnologiya universitetida (bundan buyon 
matnda universitet deb yuritiladi) ta’limning kredit tizimi asosida o‘quv jarayoni, 
nazorat turlari, baholash mezonlari, kursdan kursga o‘tish tartibi, akademik mobillikni 
tashkil etishni tartibga soladi. 
3. Ta’limning kredit tizimi asosida talabalar bilimini nazorat qilish va 
baholashning asosiy vazifalari quyidagilardan iborat: 
a) talabalarda davlat ta’lim standarti, malaka talablari, kasb standartlariga 
muvofiq tegishli bilim, ko‘nikma va malakalar shakllanganligi darajasini nazorat qilish 
hamda tahlil qilib borish; 
b) talabalar bilimi, ko‘nikma va malakalarini baholashning Davlat ta’lim 
standartlariga asoslanganlik, aniqlik, haqqoniylik, ishonchlilik, shaffoflik va qulay 
shaklda baholashni ta’minlash tamoyillariga asoslanishi; 
c) fanlarning talabalar tomonidan tizimli tarzda va belgilangan muddatlarda 
o‘zlashtirilishini tashkil etish hamda tahlil qilish; 
d) talabalarda mustaqil ishlash ko‘nikmalarini rivojlantirish, axborot resurslari 
manbalaridan samarali foydalanishni tashkil etish; 
e) talabalar bilimini xolis va adolatli baholash hamda uning natijalarini o‘z 
vaqtida e’lon qilish; 
f) o‘quv jarayonida talabalar bilimini baholashning elektron tizimini tashkil etish 
(elektron jurnalni joriy etish va uni samarali yuritish, fanlar bo‘yicha mustaqil 
topshiriqlarni on-line, lokal qabul qilsih). 
4. Fanlar bo‘yicha ta’limni kredit tizimi asosida talabalar bilimini nazorat qilish 
baholash semestr davomida ushbu qoidalarga mos holda baholash mezonlari asosida 
amalga oshiriladi. 

---

2 
II. O‘quv jarayoni. 
1. Bakalavriat ta’lim yo‘nalishida o‘quv yuklamasi umumiy hajmi kamida
180 (uch yil muddatli o‘qish davriyligida) va 240 (to‘rt yil muddatli o‘qish 
davriyligida) kreditdan iborat. 
2. Magistratura mutaxassisliklarida va o‘quv yuklamasi umumiy hajmi 
mutaxassislik va o‘qish davriyligiga muvofiq ravishda 120 kreditni tashkil qiladi.
3. Talabaning bir semestrda o‘zlashtirishi kerak bo‘lgan kreditlari miqdori
30 kreditni tashkil qiladi. Ayrim holatlarda universitet Kengashi qarori bilan bir 
semestrda o‘quv yuklamasi hajmi kreditlarning boshqacha miqdorida belgilanishi 
mumkin. 
4. O‘quv yili boshlanishidan kamida bir oy oldin 1-kursga qabul qilingan 
talabalar uchun universitet rasmiy sayti (http://utu-ranch.uz) orqali va o‘quv 
platformasi (hhtp://hemis.tsue.uz)da o‘quv jarayoni jadvali, ta’lim yo‘nalishlari va 
mutaxassisliklar o‘quv rejalari, fanlar sillabuslari e’lon qilinadi. 
5. Talabalar o‘quv jarayoni boshlanishidan oldin o‘quv rejada ko‘rsatilgan fanlar 
bilan tanishib olishlari va tanlov fanlariga belgilangan oxirgi muddatgacha ro‘yxatdan 
o‘tishlari lozim. 
III. Mustaqil ta’limni tashkil etish va baholash 
1. Ta’limning kredit-modul tizimida mustaqil ta’lim fanni o‘zlashtirishning 
asosiy elementlaridan biri hisoblanadi. 
2. Mustaqil ta’lim mavzulari tegishli fan uchun professor-o‘qituvchilar 
tomonidan o‘quv dasturi (sillabus)da ko‘rsatib o‘tiladi hamda har dars oxirida 
talabalarga berib boriladi. 
3. Mustaqil ta’lim mavzularini o‘z vaqtida o‘qib o‘zlashtirish talabaning vazifasi 
hisoblanadi va talaba bu ishga mas’uliyat bilan yondashishi talab qilinadi. 
4. Talabaning mustaqil ta’limda o‘zlashtirgan bilimi joriy, oraliq va yakuniy 
nazoratlarda tekshirib boriladi. 
5. Talabalar mustaqil ishni tashkil etishda har bir fan kesimida “Talabalar 
mustaqil ishini tashkil etish, nazorat qilish va baholash” bo‘yicha uslubiy ko‘rsatma 
ishlab chiqiladi, bunda quyidagi asosiy tamoyillarga rioya qilish maqsadga muvofiqdir: 
a) talabalar mustaqil ishlarni ikki yo‘nalishda- auditoriyada va auditoriyadan 
tashqarida tashkil etish; 
b) talabalar mustaqil ishlarini tizimli ravishda, ya’ni bosqichma-bosqich, 
oddiydan murakkabga qarab tashkil etilishini ta’minlash; 
c) talabalar mustaqil ishlarning shakli va hajmini belgilashda quyidagi muhim 
jihatlarga e’tibor qaratishlari lozim: talabaning o‘qish bosqichi; muayyan fanning 
o‘ziga xos xususiyati, o‘zlashtirishdagi qiyinchilik darajasi; fanning axborot manbalari 
bilan ta’minlanganlik darajasi; talabaning axborot manbalari bilan ishlay olish darajasi; 

---

3 
e) mustaqil ish uchun topshiriqlar kursdan kursga o‘tish bilan shakl va hajm 
jihatdan o‘zgarib borishini nazarda tutish; 
d) mustaqil ish fan xususiyatini o‘zida aks ettirishi hamda talabaning ijodiy 
(kreativ) qobiliyatlarini namoyon qilishga undashi lozim. 
6. Talabalar mustaqil ishlarning joriy, oraliq va yakuniy nazorat turlarini tashkil 
etilishi fan dasturi (sillabus)da mustaqil ta’limga ajratilgan o‘quv soatlari hajmini to‘liq 
qamrab olishga, talabalarda mustaqil fikrlash, ilmiy-ijodiy izlanish, mustaqil qarorlar 
qabul qilish hamda ta’lim yo‘nalishi malaka talablarida belgilangan kasbiy 
ko‘nikmalarni shaklantirishda muhim o‘ringa ega.