Kuch qurilmalari Issiqlik berishning rostlash usullari

Qattiq yoqilg‘ini yoqish. (a- rasmda) Yoqilg‘ini qatlamli yoqish о‘txonasining asosini panjarali chо‘g‘don tashkil etadi. Panjarali chо‘g‘don ustiga ma’lum qalinlikda qattiq yoqilg‘i tekis joylashtiriladi va panjara ostidan atmosfera havosi oqimitabiiy ravishda yoki majburiy yoqilg‘i oralab о‘tib turadi. Oksidlovchi gaz qattiq yoqilg‘i bilan ta’sirlashib yonishni ta’minlaydi va hosil bо‘lgan alanga hisobiga issiqlik energiyasi hamda yonish mahsulotlari hosil bо‘ladi.Yonish mahsuloti bilan yoqilg‘i zarralari atmosferaga uchib chiqib ketmasligi va tо‘liq yonishi hamda kо‘proq issiqlik ajralishi uchun о‘txonada hosil bо‘lgan gaz oqimining kо‘tarilish kuchi yoqilg‘i bо‘lakchasining og‘irlik kuchidan kichik bо‘lishi kerak. Yoqilg‘i bо‘lakchalarining о‘lchami 20-30 mm dan kichik bо‘lmasligi lozim. Panjarali chо‘g‘don yoqilg‘ini tutib turibgina qolmasdan, yoqilg‘iga havoni о‘tkazish, kul va shlakni kulxona tomonga uzluksiz о‘tkazib turish vazifasini ham bajaradi. CHо‘g‘dondagi hamma teshik va tirqishlarning kо‘ndalang kesimlari yig‘indisi panjaraning jonli kesimi deyiladi. Panjarali chо‘g‘don о‘lchamlari yoqilg‘i turi va uning bо‘laklarining katta – kichikligiga mos ravishda tanlanadi. CHо‘g‘don, asosan chо‘yandan quyib ishlanadi va yuzasi katta bо‘lganda, u bir necha bо‘lakdan tashkil topadi. О‘txona chо‘g‘doni gorizontal, qiya zinapoyali, tebranma zinapoyali, harakatlanuvchan zanjirli qilib joylashtiriladi. О‘txona qanday qurilganligiga va yoqilg‘i turiga qarab chо‘g‘don qо‘zg‘almas yoki maxsus mexanizmlar ta’sirida tebranadigan, ilgarilama – aylanma harakat qiladigan bо‘lishi mumkin. CHо‘g‘don ustidagi yoqilg‘iga bu tartibdagi harakatlarni berishdan asosiy maqsad, uning tо‘liqroq yonishini, kulning yaxshi ajralishini va havo oqimining tо‘g‘ri о‘tishinita’minlash hamda о‘txona ishlarini mexanizatsiyalashdan iborat.
Mash’alali yoqish.(b-rasmda) О‘txonaning FIK ni orttirish va yoqilg‘ining tо‘ltq yonishini ta’minlashda qattiq yoqilg‘i maxsus tegirmonlarda kukun holatiga keltirilib, havo oqimi bilan birgalikda о‘txonaga uzatiladi. Bunday yonish mash’alali yonish deyiladi.
Mash’alali yoqishning asosiy afzalligi yoqilg‘i isrofsiz yonadi va katta miqdorda issiqlik ajralib chiqadi. Gaz – havo oqimidagi zarralarning suyrilik darajasi kichik bо‘lganligidan mash’alali yonish jadalligining chegaralanganligi hamda oqim о‘zgarishi yonishga tez ta’sir etishi bu usulda yoqishning asosiy kamchiligi hisoblanadi.