Kuchlanishning nosimmetriya koeffitsiyenti va neytral nuqtani siljish kuchlanishini aniqlash

Tajriba qurilmasining tavsifi
1-rasmdagi tajriba qurilmasining sxemasida chiziqli va nochiziqli yuklamaga ega bo’lgan korxonaning elektr ta’minoti sistemasining modeli tasvirlangan va unga filtr kompensatsiyalovchi qurilmalar ishlatilishi mo’ljallangan.
Energotizim bilan bog’lanish liniyasi T₁ transformator orqali amalga oshiriladi. (Yuqori kuchlanishli chulg’am yulduz sxemasi bo’yicha ulangan va tarmoqqa AV avtomati K uzgich orqali ulangan, Quyi kuchlanish chulg’amlarining uchlari “abc” va oxirlari “xyz” stendning oldingi paneliga chiqarilgan). R₁, R₂, R₃, R₀ qarshiliklar va R₅, L nochiziqli yuklamalarni chulg’amlariga ulash V₁, V₂, V₃, V₀ avtomat o’zgichlar orqali amalga oshiriladi.
Chiziqli va nochiziqli yuklamalar qayta ulagich P1 yordamida ulanadi. Filtrli kompensatsiyalovchi qurilmasi “B” ketma-ket ulangan kondensator batareyalari va rostlanuvchi R₁, R₂, R₃ reaktorlardan tuzilgan bo’lib, u P₄ ulagich orqali ulanadi.
Nazorat-o’lchash qurilmalarining ulanish nuqtasi 1-rasmda ko’rsatilgan. V₁ voltmetri T₁ transformatorning YUK (ВН) chulg’amidagi faza kuchlanishini ulchash uchun xizmat qiladi.
V₂ voltmetri esa T₁ transformatorning KK (НН) chulg’amidagi faza va liniya kuchlanishi hamda sxema elementlaridagi kuchlanishni o’lchash uchun hizmat qiladi.
A₁, A₂, A₃ ampermetrlari yordamida T₁ transformatorning KK (НН) tomonidagi liniya toklari, A ampermetri bilan esa nol simdagi tok ulchanadi: toklarning qiymati R₁, R₂, R₃ va R₀ qarshiliklarga bog’liq.
A₁, A₂, A₃, A₄ ampermetrlari tarmoqqa transformatsiyalash koeffitsienti 20/5 bo’lgan tok transformatori yordamida ulangan. Ossillograf chiziqli va nochiziq yuklamalarda kuchlanish chizig’ining shaklini ko’rsatadi. FKU ning samaradorligi A₆ milliampermetri yordamida nazorat qilinadi. R₅L nochiziq yuklamasi (uning tokining qiymati A₇ ampermetri orqali nazorat qilinadi) to’g’rilagich qurilmasi (V4) orqali T₂ va T₃ transformatorlariga ulanadi.
T₂ transformator tarmokka P1 qayta ulagich (uzib-ulagich) orqali, T₃ transformator esa P1 va P2 qayta ulagich orqali ulanadi. A₅ ampermetri T₂ transformatorning KK (НН) tomonidagi tok qiymatini nazorat qilish uchun hizmat qiladi.