Kurs ishi Mavzu : Ayollar liboslarini modellashtirishni mavzusini oʻqitish metodikasi

Nizomiy nomidagi Toshkent davlat pedagogika universiteti professional taʼlim fakulteti Texnologik taʼlim metodikasi kafedrasi texnologik taʼlim metodikasi fanidan
Kurs ishi
Mavzu : Ayollar liboslarini modellashtirishni mavzusini oʻqitish metodikasi.


Bajardi: _______________
Ilmiy rahbar: ______________

Toshkent-2023

1. 
   Kirish
   
2. 
   Asosiy qism
   
   1. 
      Ayollar ko’ylagi asos chizmasi konstruksiyalash.
      
   2. 
      Kiyimga qo’yiladigan talablar.
      
   3. 
      Modellashtirishning maqsad va vazifalari.
      
   4. 
      Ayollar yozgi fasondagi bluzkasini modellashtirish.
      
   5. 
      Ayollar liboslarini modellashtirishni mavzusini oʻqitish metodikasi
      
3. 
   Xulosa
   
4. 
   Foydalanilgan adabiyotlar ro‘yxati
   
5. 
   Ilovalar
   

Kirish
Hozirgi vaqtda tikuvchilik ishlab chiqarishi juda keng tarmoq bo‘lib, unda avtomatlashtirish va mexanizatsiyalashtirishning ilg‘or vositalaridan, kompyuter texnikasidan, fan va texnika yutuqlaridan keng foydalaniladi. Bulaming hammasi tikuvchi mutaxassislardan yuqori bilimli bo’lishni, mahorat va malaka orttirishni talab qiladi. Xususiy mulkchilikka keng yo‘l berilishi natijasida kichik va o'rta korxonalar, xususan tikuvchilik korxonalari rivoj topayotganligi bu talabni yanada oshirib yuboradi.Bu vazifalrni bajarish uchun kadrlar tayyorlash masalasiga alohida e’tibor berish lozim. Tikuvchilik korxonalari uchun mutuxassis ishchilar kasb-hunar kollejlarida tayyorlanadi. Bu kollejlar uchun kiyim tikish texnologiyasini mukammal biladigan pedagog-kadrlar tayyorlash esa pedagogika oliy o ‘quv yurtlari zimmasidadir. Kasb ta’limi bo'yicha tayyorlanayotgan talabalar kiyimlarni yakka buyurtma asosida va ommaviy tarzda ishlab chiqarishda yangi zamonaviy texnologiyalarni qo‘llab, zamonaviy asbob-uskunalar va moslamalardan foydalangan holda barcha talablarga javob beradigan mahsulotlar tayyorlashni bilishi zarur.

Bugungi kunda jahon bozorida tabiiy mahsulotlarga talab juda katta. Shu bois Respublikamizda mahalliy tabiiy xomashyodan ishlab chiqariladigan tikuvchilik mahsulotlari hajmini ko‘paytirish, kiyim strukturasini yanada takomillashtirish, sifatini yaxshilash, raqobatbardosh va xaridorgir mahsulotlarni ishlab chiqarish samaradorligini oshirish, bugungi kunda dolzarb vazifa hisoblanadi. Bu vazifani amalga oshirish uchun Respublikamizning tikuvchilik korxonalarida yangi texnika va ilg‘or texnologiyani joriy etish, yangi majmua mexanizatsiyalashtirilgan jarayonlarni qo‘llash, yangi materiallardan foydalanish, shu bilan birga texnologik jarayonlarni avtomatlashtirish hamda yangi kichik korxonalar barpo etish ishlarini yo‘lga qo‘yish talab qilinadi. Tayyor kiyim yuqori sifatli va ishlab chiqarish jihatidan samarali bo‘lishi uchun unga loyihalash bosqichidayoq zamin yaratish lozim.
Kiyimni konstruksiyalash loyihalashning eng muhim qismi bo‘lib, u badiiy konstruktorlik va texnik vazifalarining yechimini o‘z ichiga qamrab oladi. Yetakchi tarmqolar tajribasidan ma’lum avtomatlashtirilgan loyihalash tizimlarini yaratish va amaliyotda qo‘llash loyihalash jarayonini takomillashtirishning taraqqiyoti va perspektiv asosi hisoblanadi. Avtomatlashtirilgan loyihalash tizimlarining asosiy maqsadi — sifatni yaxshilash, moddiy harajatlarni kamaytirish va loyihalash muddatlarini qisqartirishdir.
Modaning almashib turishi, kiyimning eng muhim fazilatlaridan biridir. Har bir yangi tavsiya etilgan kiyim modeli uchun baza asosi konstruksiyasini yaratish birmuncha murakkab vazifa hisoblanadi. Ishni yengillashtirishda har xil va baza konstruksiyalardan foydalaniladi.