Kurs ishlarini bajarish va himoya qilish bo‘yicha

 
6. Ma’lumotlarni to‘plash va qayta ishlash. 
Ushbu bosqichda talaba adabiyotlar, internet ma’lumotlari va boshqa 
manbalar asosida mavzuni har tomonlama yoritish maqsadida ma’lumotlar 
to‘playdi va ular bo‘yicha hisob – kitoblarni amalga oshiradi. Ushbu bosqichda 
ta’limiy va tarbiyaviy taxlil usullaridan foydalanib, tegishli xulosalar chiqariladi. 

---

10 
Kurs ishini yozish jarayonida bakalavriat ta’limi yo‘nalishining semestr 
yakunidagi malakaviy amaliyot va unga oid o‘quv-metodik materiallaridan hisob 
shakllari, o‘quv jarayoni ko‘rsatkichlari asosida foydalanish ham tanlangan 
mavzuning amaliy jihatini aks ettiradi. 
Kurs ishi nazariy jihatdan turli manbalardagi ma’lumotlar taxliliga 
asoslangan bo‘lib, mavzuga mos muammolar, takliflar, sxema, grafik, jadval va 
diogrammalarda mujassamlashtirilgan bo‘lishi lozim. 
 
7. Kurs ishi matnini yozish. 
Kurs ishini bajarishda uni yozish va rasmiylashtirish muhim va ma’suliyatli 
bosqich hisoblanadi. 
Kirish qismida talaba tanlagan mavzuning dolzarbligi, maqsadi, vazifalari, 
ahamiyati, uni o‘rganish darajasi, metodlari, yangiligi, muammoni o‘rganishga 
qaratilganligi, va kurs ishi bo‘yicha o‘z oldiga qo‘ygan masalalar mazmunining 
qisqa (2-3 bet) bayon etadi. Shuningdek, kurs ishining kirish qismida mavzuning 
hozirgi kundagi dolzarbligi, amaliy ahamiyati, rivojlantirishga nisbatan talablari, 
maqsadi, vazifasi, amaliy ahamiyati, ilmiy ahamiyati, iqtisodiy samarasi, axborot 
bazasi, yangiligi kabi ilmiy-ijodiy talablarga javob berishi lozim. Kurs ishi kirish 
qismida mavzuning asl masalasi, tadqiqot prinsiplari, ishni yoritishning metodik 
omillari, tahlil prinsiplari keltirilgan bo‘lishi lozim. Kurs ishi kirish qismida 
keltirilgan materiallar birinchi o‘rinda davlatimizning boshlang’ich ta’lim 
sohasidagi davlat siyosati prinsiplari, dolzarbligini yorituvchi mavzuning asosiy 
maqsadini keltiruvchi ilmiy farazlari keltirilgan bo‘lishi lozim. 
Asosiy qismda belgilangan savollarni yoritishda masalaga uzviy bog‘liq 
bo‘lgan nazariy bilimlar bilan bir qatorda talaba tomonidan to‘plangan 
materiallar, statistik ma’lumotlar, pedagogik tushunchalar mohiyati yoritiladi va 
taxlil qilinadi. Olingan natijalar, yangiliklar, g‘oya va fikrlar ilmiy jihatdan 
asoslanadi va o‘rganilgan adabiyotlar, me’yoriy hujjatlar va boshqa manbalardan 
to‘plangan ma’lumotlar to‘la tahlil qilinadi. Ushbu yo‘nalishda bajarilgan 
ishlarning mamlakatimiz va xorijiy davlatlar tajribasi ham bayon etilishi 

---

11 
maqsadga muvofiq keladi. Agar talaba mavzu bo‘yicha olgan natijalarni tanqidiy 
baholay olsa kurs ishining qiymati yanada oshadi. Asosiy qismda mavzu moxiyati 
yanada kengroq ochishda mavzuga doir chizmalar va jadvallarni ko‘rsatib o‘tish 
mumkin. 
Nazariy tomondan o‘rganilayotgan masala chuqur yoritilgandan so‘ng kurs 
ishini bajaruvchi nazariy bilimlarini amaliy faoliyat bilan o‘zaro bog‘lay olishi 
kerak. Ish bo‘yicha berilayotgan takliflar asosli bo‘lishi va takliflar aniq, lo‘nda 
va tushunarli qilib bayon qilinishi kerak. 
Talaba kurs ishi matnini yozishda adabiyotlar va manbalardan olingan 
iqtiboslar va mualliflarning qarashlari qo‘shtirnoq ichida berilishiga e’tibor 
berilishi lozim. 
Xulosa qismida kurs ishining barcha qismlari doirasida bajarilgan ishlarga 
umumiy yakun yasaladi. Ushbu kurs ishi doirasida erishilgan asosiy natijalar 
xulosa va takliflar, tavsiyalar ko‘rsatib o‘tiladi.