Kurs jumíSÍ Qabıllaǵan: N. Djumabaev Orınlaǵan: E. Joldasbayeva Nókis 2021 Reje Kirisiw

§2. Pedagogikalıq texnologiya principleri
Bizge belgili, hár qanday pedagogikalıq texnologiya tálimdi rawajlandırıwshı principlerine tiykarlanǵan bolıp, oqıwshı shaxsın tárbiyalawǵa baǵdarlandırılıwı lazım. Pedagogikalıq texnologiya teoriyasınıń orayında tálim procesiniń basshısı, áyne waqıtta, bul procestiń hám subiekti, hám obiekti bolǵan oqıtıwshı hám oqıwshılar turadı. Sonday eken, bul subiektler arasındaǵı óz-ara birge islesiw, óz-ara qarım-qatnas, olardıń bir-birlerine qarata kórsetetuǵın keri tásirleri eń zamanagóy talaplarǵa juwap bere alıwı zárúr. Bunıń ushın oqıtıwshı, eń dáslep, tálim-tárbiya procesin shólkemlestiriwge qarata qoyılıwshı talaplar, tálimdi shólkemlestiriw hám basqarıw principleri, jolları oqıwshını aqılıy hám fizikalıq jaqtan rawajlandırıwǵa xizmet qılıwshı usıllar, ol menen birge islesiw, onı oqıw hám úyreniwge baǵdarlaw, oqıwshı shaxsı iskerligin durıs shólkemlestiriw, olar menen qarım-qatnasqa kirisiw, pedagogikalıq iskerlikti shólkemlestiriw procesinde júzege keliwshi mashqala hám kelispewshiliklerdi birgelikte sheshiw, auditoriyada dóretiwshilik, issheńlik ortalıǵın payda etiw oqıwshı iskerligin anıq hám durıs bahalawǵa imkan beriwshi metodlar menen qurallanǵan bolıwı lazım.
Pedagogikalıq texnologiyanıń tiykarǵı principleri hám olardıń mazmunın biliw bul proces haqqında anıq túsinikke iye bolıwımızǵa imkan jaratadı. Sol sebepli tómende pedagogikalıq texnologiyanıń tiykarǵı principleri hám olardıń mazmunı haqqında sóz júritemiz.
Pedagogikalıq texnologiya ulıwma didaktikalıq principlerge iye bolıwı menen birge, tómendegi tek ǵana ózine ǵana tán bolǵan principlerge de iye esaplanadı:
8

Principler



Tálimniń úzliksizligi principi

Oqıtıp analizlew, analizlep oqıtıw principi

Tálim mazmunın insanpárwarlastırıw hám insaniylastırıw principi

Tiykarlılıq(fundamentlik) principi

Bir pútinlik, ulıwmalıq principi



Mádeniyattı ańlaw(mádeniy turmıstıń rawajlanıwına muwapıqlıq)principi



Iskerli jantasıw principi

Pedagogikalıq texnologiya principleri