Laboratoriya ishi №1 Mavzu: Laboratoriya mashg‘ulot darsiga kirish va laboratoriya texnikasi bilan tanishtirish. (2- soat)

Чигит тукланиши типларининг ирсийланиши. Ғўзада чигит тукланиши типларининг ирсийланиши ва намоён бўлиши тўртта ноаллел генлар фаолияти орқали амалга ошади. Уларни функцияси ва ўзаро таъсир типига қараб учта гуруҳга бўлиш мумкин.

1. 
   Кумулятив полимерия типида ўзаро таъсир кўрсатувчи –F_t1- f_t1, F_t2-f_t2 генлари. Уларнинг доминант аллеллари ғўза чигитининг микропиле қисмидаги тукланишни ривожлантиради. Чигит микропилесидаги тукланишнинг ривожланиш даражаси бу икки ген доминант аллелларининг сонига боғлиқ. Агар генотипда уларнинг сони тўртта (F_t1F_t1F_t2F_t2) бўлса, микропиледаги тукланиш кучли ривожланади ва қуюқ бўлади. Агар генотипда бу генларнинг доминант аллеллари бўлмаса, яъни рецессив дигомозигота (f_t1f_t1f_t2f_t2) ли бўлса чигит микропилесида тукланиш бутунлай бўлмайди ва чигит туксиз, яланғоч бўлади. Генотипда доминант аллелларнинг сони 1, ёки 2, ёки 3 та бўлса чигит микропилесидаги тукланиш қуюқлиги бўйича оралиқ хилма-хиллик намоён бўлади (30-расм). Бу генлар структуравий генлар жумласига кириб уларни тукланишнинг асосий генлари деб аталади.
   
2. 
   Ўзаро комплементар таъсирида фаолият кўрсатувчи генлар. Уларга қуйидаги иккита ноаллел генлар киради:
   

а) F_t1-f_t1 - гени. Бу геннинг доминант аллеллари гомозигота (F_t1F_t1) ҳолатда генларнинг комплементар таъсирида қатнашади.
б) F_c-f_c - гени. Бу ген F_t1 генидан фарқли ўлароқ мустақил фаолият кўрсата олмайди. Бу геннинг доминант аллеллари гомозигота (F_cF_c) ва гетерозигота (F_cf_c) ҳолатларида F_t1F_t1 гени билан ўзаро комплементар таъсир этган ҳолатда чигитнинг халаза ва ён томонларида тукланишнинг ривожланишини таъминлайди. Шунинг учун бу ген қўшимча ген деб аталади. Унинг аллеллари тўлиқсиз доминантлик ҳолатида ирсийланади. F_c-f_c гени ҳам структуравий генларга киради.
3. Эпистатик таъсир этувчи ген ген-ингибитор (I-i). Бу геннинг доми-нант аллеллари ҳам гомо- ва гетерозигота (II, Ii) ҳолатларда юқорида баён этилган учта структуравий генлар (F_t1F_t1 , F_t2F_t2 , F_cF_c) нинг фаолиятини бутунлай тўхтатади, натижада IIF_t1F_t1F_t2F_t2F_cF_c ёки IiF_t1F_t1F_t2F_t2F_cF_c генотип-ларга эга бўлган ўсимликларнинг чигитлари туксиз (яланғоч) бўлади.