Laboratoriya mashg’uloti laboratoriya ishi №2 Mavzu: Zamonaviy informatika xonasini jixozlash, texnika xavfsizlikligi talablari. Ishning maqsadi

LABORATORIYA MASHG’ULOTI
Laboratoriya ishi №2
Mavzu: Zamonaviy informatika xonasini jixozlash, texnika xavfsizlikligi talablari.
Ishning maqsadi: Zamonaviy informatika xonasini jixozlash, texnika xavfsizlikligi talablari o‘rgatish
Nazariy ma’lumotlar:
Informatika xonasi, uning asosiy maqsadi va vazifalari, informatika xonasini jihozlash
Informatika xonasi – bu umumo’rta maktablar, akademik litsey va kasb-hunar kollejlarning o’quv-tarbiyaviy qismi bo’lib, o’quv hisoblash texnikasi komplekti (O’HTK) bilan, o’quv ko’rsatish qo’llanmalari, o’quv jihozlari, mebellar va informatika kursi bo’yicha nazariy hamda amaliy darslarni o’tkazishga mo’ljallangan xona.
Informatika xonasidagi darslar:

• 
  o’quvchilarda kompyuter savodini shakllantirish,
  
• 
  o’quvchilarni kompyuterni ishlab chiqarishda, proekt-konstruktorlik tashkilotlari, ilmiy muassasalarda, o’quv jarayoni va boshqarishda ishlatish bilan tanishtirish,
  
• 
  informatikani o’rganish jarayonida o’quvchilarda nazariy fikrlashni rivojlantirish,
  
• 
  maktabda o’quv-ta’lim jarayonini tashkil etishni va o’qitish uslublarini takomillashtirishga xizmat qilish kerak.
  

Informatika xonasida quyidagilar o’tkaziladi:

• 
  informatika darslari va kompyuterni, kinofilm, diapozitivlar, tablitsa va boshqa o’quv ko’rsatish qo’llanmalaridan foydalanib alohida umumta’lim o’quv predmetlari,
  
• 
  informatika kursi bo’yicha darsdan tashqari va fakultativ darslar,
  
• 
  eksperiment darslar va amaliy mashg’ulotlar va boshq.
  

Informatika xonasida psixologik, gigienik va ergonomik qulay muhit bo’lishi kerak, u shunday tashkil etilgan bo’lishi kerakki, muvaffaqqiyatli ta’limga, aqliy rivojlantirish va o’quvchilarni g’oyaviy-siyosiy tarbiyalashga, informatika va fan asosidan mustahkam bilim, malaka va mahorat olishga ta’sir ko’rsatish kerak va xavfsizlik hamda sog’liqni saqlash talablarga javob bera olishi kerak.