Laboratoriyalıq jumıs № Beloklar. Beloklar hám aminokislotalarǵa tiyisli reńli reakciyalar. Beloklardı dializlew

Laboratoriyalıq jumıs № 2.
Beloklar. Beloklar hám aminokislotalarǵa tiyisli reńli reakciyalar. Beloklardı dializlew

1. Biyuret reakciyası

2.Ksantoprotein reakciyası
3. Fol reakciyası
4. Million reakciyası.
5. Sakaguchi reakciyası.
6. Adamkevich reakciyası.
7. Ningidrin reakciyası.
8. Beloklardı nitral duzlar járdeminde shóktiriw.
9. Beloklardı organikalıq eritiwshiler járdeminde shóktiriw.
10. Beloklardı joqarı temperatura tásirinde shókpege túsiriw.

Belok hám aminokislotalarǵa tiyisli reakciyalar.

1- jumıs. Biyuret reakciyası.
Siltilik ortalıqta belok eritpeleri mıs sulfat (Si
(qatnasında) ionları qatnasında qızǵısh (rozovıy) yamasa kók-fiolet reń beredi.
Bul reń belok molekulası quramındaǵı peptid baylanıslar menen mıs ionların payda etken komplekiske tiyisli. Biyuret reakciyasın beloklardan basqa hár qıylı peptidler, polipeptidler, peptonlarda beredi.
Bul reakciyanı mochevinanıń ónimli bolǵan biyurette beredi. Reakciyanıń atı dawsı biyuret atı menen ataladı.

NH₂ -NH₃ NH₂

/ |
C=O --------® C=O
\ |
NH₂ NH(biyuret)
Mochevina |
C=O
|
NH₂
Biyuret komplekisiniń reńi eritpedegi mıs ionlarınıń muǵdarı menen belgilenedi. Eger mıs sulfat eritpesi kóbirek beloksa kók reń, kemirek beloksa qızǵısh reń basımlıq etedi.
Jumıs tártibi:
Eki probirka alıp, birisine 1ml máyek belogınan, ekinshisine 1ml shigit beloginan qosıladı. Hár bir probirkaǵa 30% li natriy gidroksidi (NaOH) eritpesinen teńdey kólemde qosıladı. Probikalarǵa 4-5 tamshı 2% li mıs sulfat eritpesinen tamızsaq qızǵısh reń yamasa kók-fiolet reń payda boladı.
Probirkaǵa azǵana mochevina kristalları salınıp, qızdırıladı. Mochevina dáslep eriydi, sońınan qata baslaydı. Sol waqıtta qızdırıw toqtatıladı. Probirka suwıǵannan soń, oǵan 1ml 30% li natriy gidroksid eritpesinen qosıladı, onıń ústin 4-5 tamshı 2% li mıs sulfat eritpesi salınsa, probirkada fiolet reń payda boladı.
Reaktivler: máyek belogınıń eritpesi, shigit belogınıń eritpesi, 30%li natriy gidroksidli eritpesi, 2%li mıs sulfat eritpesi hám mochevina.