Laboratoriyalıq jumıs №1

3. Peptizaciya usılı.
Tájiriybeniń basında temir gidrozoliniń shókpesi tayarlanıp alınadı. Bunıń ushın temir xloridiniń suwlı eritpesine kishkene muǵdarlarda ammiaktıń koncentrlengen eritpesi qosıp barıladı. Shókpeniń payda bolıwı tómendegi teńleme boyınsha baradı:
FeCl₃ + 3NH₄ON ® Fe(OH)₃ + 3NH₄Cl
Payda bolǵan shókpe ammoniy xloridinen hám ammiaktıń artıqsha muǵdarınan dekantaciya usılı menen distillengen suw menen ammiaktıń iyisi joq bolǵanǵa deyin juwılıp jabıq ıdısta suw qatlamı astına saqlanadı.
Sońınan 5 probirka alıp temir gidroksidiniń distillengen suwda ılaylanǵan qopal dispers eritpesinen 15 ml. den qosılıp hám hár bir probirkaǵa 15 ml. den distillengen suw quyıladı, keyin bul probirkalarǵa 1 n FeCl₃ eritpesinen tómendegi muǵdarda peptizator retinde qosıladı` 1-probirka - 0 ml, 2 - pribirka - 0,3ml, 3-probirka - 1,5 ml, 4-probirka - 3 ml, 5-probirka - 6 ml.
Fe(OH)<sub>3</sub> shókpesi bar probirkalar jaqsılap aralastırılıp qaynatılıp shtativke bekitilip shókpeniń ózgeriwi baqlap barıladı. Birinshi, peptizator qosılmaǵan probirkada shókpe qopal dispers jaǵdayında probirkanıń ultanında jatadı. Basqa probirkalarda Fe(OH)<sub>3</sub> áste aqırınlıq penen eritpege óte baslaydı, ol qaysı probirkaǵa peptizator kóp qosılsa sonsha joqarı dárejede eriydi.
Bul jerde peptizator xızmetin temir oksixloridi atqaradı, ol temir xloridinen tómendegi teńleme boyınsha payda boladı`
FeCl₃ + H₂O FeOCl + 2HCl
Kolloid eritpelerdi tazalaw usılları

Zollerdi dializ usılı menen tazalaw

Reaktiv hám ásbap-úskeneler: cellofan plenka, 0,1 n AgNO₃, tazalanbaǵan temir gidroksidiniń zoli, 500 ml-lik konus tárizli kolba, jińishke shpagat, úlken kristallizator, Bunzen shtativi.
Zollerdi dializ usılı menen tazalaw ushın Grem dializatorın alıp oǵan cellofan plenkadan membrana isleymiz. Bunıń ushın dializator tómeninen cellofan menen tartılıp jińishke shpagat penen bekkem baylanadı. Dializator, eger de tartılıp membrana suw menen hóllenip, qurǵatqannan soń tartılǵan membrana kerilip tursa, jumısqa jaramlı esaplanadı. Dializatordıń islew jumısın tezletiw ushın tazalaytuǵın suw aǵıp turıwı kerek.