Лекция №7 иккиламчи захм даври

ЛЕКЦИЯ № 7
ИККИЛАМЧИ ЗАХМ ДАВРИ.
Агарда касаллик биринчи захм даврида даволанмаса, бемор узини касаллигини билмаса, у холларда захм узини кейинги даври иккиламчи даврга утади. Иккиламчи давр касаллик юккандан сунг 2-3 ойдан ёки бирламчи захм каттик яраси хосил булгандан 6-7 хафта утгандан сунг бошланади. Касаллик купинча продромал холати куринишида кечиб, бу холат иккиламчи захм даври бошланишга кадар 7-10 кун аввал куринади. Бу вактда беморларда умумуй холсизлик, суяк, мушак, бугимларда огрик (асосан кечкурунлари кучаяди ) харорати кутарилиши каби белгилар кузатилади. Касалликни бундай бошланиши худди грипп касаллигини эслатади. Иккиламчи давр бошланиши билан юкоридаги холат уз-узидан йуколиб кетади.
Иккиламчи захм даври 2-3 йил давом этади, давомийлиги асосан захм инфекциясини фаоллигига ва бемор организмининг иммунологик холатига богликдир. Иккиламчи захм даври кечиши жуда куп холатларга богликдир, масалан бемор организми холатига, уни сурункали хасталиклар билан касалланганлигига, реактивлигига, иш ва яшаш шаройтига хамда ёшига боглик булади. Бу давр иккиламчи янги, иккиламчи кайталама ва иккиламчи яширин боскичларга булинади. Иккиламчи янги боскичда бу даврга хос булган тошмалар бирламчи маротаба, кайталама боскичида эса иккиламчи, учламчи ва х.к. пайдо булади. Иккиламчи яширин боскичда эса бундай тошмалар булмайди.
ИККИЛАМЧИ ЗАХМ ДАВРИ ТОШМАЛАРИНИНГ УМУМИЙ ТАСНИФИ
Иккиламчи захм тошмалари тартибсиз холатда жойлашган булиб, аник чегарали, думалок шаклда буладилар. Бир-бирлари билан кушилмайди, атрофга эса катталашишга моил булмайди, тошмаларни оркага кайтиб йуколиши асосан марказий кисмларидан бошланади. Тошмалар тук-кизил рангли, саргиш ёки кукиш булган куринишларда булиб, уткир яллигланиш холати уларда кузатилмайди, атроф териси узгаришсиз булади. тошмалар асосида каттик инфильтрат кузатилиб, таркибларида рангсиз трепонемаларни саклайди. Тошмалар беморларда салбий шикоятлар чакирмайди, улар асосан асоратсиз кечади ва беморлар даволанмаса хам маълум вактдан сунг уз-узидан изсиз йуколиб кетади. Тошмалар захмга карши утказиладиган муолажадан сунг тезда йуколиб кетади. Иккиламчи захм даври тошмалари асосан бирдан пайдо булмайдилар улар уктин-уктин пайдо булиб, хар-хил куринишдаги боскичларда буладилар. Кон жараёнлари текширилганда эса серологик жараёнлар 98-99% беморларда (Вассерман ва чукмали жараёнлар) мусбат куринишда булади. Хусусий серологик жараёнлар РИБТ 50-60% иккиламчи янги ва 60-80% иккиламчи кайталама боскичларида мусбат куринишда булиб, РИФ жараёни эса хамма боскичларда 100% мусбат куринишда булади.
Иккиламчи захм даврида утказилган муолажа натижасида жавоб жараёни (л-я-г) куринишида жараён кузатилади. Ю.К.Скрипкин таъбири билан айтилганда 70-80% беморларда 2-чи янги 10-20% беморларда эса 2-чи кайталама боскичда шундай жавоб жараёнлари кузатилади.
Шуни алохида таъкидлаб утиш лозимки, захм билан касалланган беморларда 1-чи захм даври кон мусбат боскичида антибиотиклардан муолажа утказилса, терида янги тошмалар пайдо булиши кузатилади, бундай вактларда 1-чи захм ташхиси – 2-чи захм даврини янги боскичи деб узгартирилиб куйилади.
Морфологик куринишга караб иккиламчи захм тошмалари: догли (макулали), тугунчали (папулали), пуфакчали (везикулали) ва йирингчали (пустулали) буладилар. Тошган тошмалар тери ва шиллик каватларида бир вактни узида ёки бирдан иккинчисига утиш холатидаги куринишда учраши мумкин. Иккиламчи захм даврида асосан догли ва тугунчали тошмалар купинча учраб йирингли ва пуфакчали тошмалар кам ёки жуда хам кам холларда учрайди.
Иккиламчи захм тошмалари юкорида курсатилган умумийликдан ташкари бу давр боскичларида узига хос булган куринишлар билан хам кечадилар. Иккиламчи захм даврини янги боскичида: тошмалар асосан майда, куп, тук кизил рангли, симметрик ёки таркибсиз холида жойлашган булади. Тошмалар бир-бири билан кушилмаган, гурухланмаган ва яллигланишсиз куринишда булиб, асосан тананинг бикин, корин, кукрак, кул ва оёкларни елка, сон сатхларида купинча куринарли тошади. Тошмаларнинг тошиши албатта хамма лимфа тугунларнинг катталашиши-полиаденит куринишида кечади (80-90%). Бу вактда каттик яра ёки уни колдиги (75-90%) хамда регионар склероаденит кузатилади. Иккиламчи захм даврининг кайталама боскичида: эса тошмалар кам сонли, оч кизил пушти рангли, катта хажмли, тудаланишга хос булган холда булиб, кушилишлари натижасида хар-хил шаклдаги тузилмалар хосил килади. Тошмаларни жойлашиши тери ва шиллик каватларининг ишкаланишига, терлашга, босимга моил ерларида кузатилади. Бу даврга хос булган тошмалар тугунчали тошмалар булиб, бошка тошмалар эса нисбатан кам микдорларда учрайди.
Юкоридаги фикрга асосланиб шуни хулоса килиш мумкинки, иккиламчи янги ва кайталама захм боскичларини фаркланаётган вактда умумий клиник куринишларни, серологик жараён курсатгичларини, хамда суров натижаларини хисобга олиш лозим, бу эса беморга аник ташхис куйиш ва олиб режасини тузишда катта ахамият касб этади.