Lkjh sxfh’mn bIb гуруҳ элементлари

Бошқа элементлар билан бирикмалари. Cu(I, II), Ag(I), Au(I, III) сульфидлари маълум.
Қиздирилганда мис билан олтингугуртни ўзаро таъсир эттириб Cu₂S, қолган сульфидлар алмашиниш реакциялари билан олинади.
Мис сульфидлари ишқорий металлар ва аммоний полисульфидларида, шунингдек HNO₃ да, кумуш ва олтин сульфидлари – ишқорий металларнинг сульфидларида эрийди:
3CuS + 8HNO₃ → 3CuSO₄ + 8NO + 4H₂O,
Ag₂S + Na₂S → 2Na[AgS] {Na[AgS₂]},
Au₂S + 3Na₂S → 2Na₃[AuS],
Au₂S₃ + 5Na₂S → 2Na₃[AuS₂] + 2Na₂S₂.
Нам CuS ҳаво кислороди билан оксидланади:
CuS + 2O₂ CuSO₄.
CuS қиздирилганда мис (I)-сульфидгача қайтарилади:
2CuS Cu₂S + S.
гидроксидлар ва уларнинг ҳосилалари.

Cu(I, II), Au(III) гидроксидлари олинган. AgOH фақат жуда суюлти-рилган эритмада мавжуд бўлади ва ундан ажратганда Ag₂O ва H₂O га парча-ланади.

Cu ва Au гидроксидлари одатдаги шароитда қаттиқ рангли моддалар, сувда амалда эримайди, термик беқарор.
Cu(OH)₂ ва Au(OH)₃ қийин эрийдиган гидроксидлар бўлиб, қуйидаги умумий усул бўйича олинади:
CuSO₄ + 2NaOH → Cu(OH)₂↓ + Na₂SO₄,
AuCl₃ + 3NaOH → Au(OH)₃↓ + 3NaCl.
Cu ва Au гидроксидлари амфотер хоссага эга, AgOH – кучли асос. Иш-қорлар билан ўзаро таъсир эттирилганда, анионли комплекслар: гидроксо-купрат (I, II) лар ва гидроксоауратлар ҳосил бўлади; Cu(OH)₂ кислоталарда эриганда катионли ва анионли, Au(OH)₃ эса фақат анионли комплекслар ҳосил қилиши мумкин:
CuOH + HCl → CuCl↓ + H₂O,
Cu(OH)₂ + 2HСl_(конц) → CuCl₂ + 2H₂O,
Cu(OH)₂ + 4HCl_{(конц., ортиқча)} → H₂[CuCl₄] + 2H₂O,
Cu(OH)₂ + 2HCl_(суюл) + 4H₂O → [Cu(H₂O)₆]Cl₂,
CuOH + NaOH_(конц) Na[Cu(OH)₂],
Cu(OH)₂ + 2NaOH_(конц) Na₂[Cu(OH)₄],
Au(OH)₃ + NaOH Na[Au(OH)₄],
Au(OH)₃ + 4HNO₃ → H[Au(NO₃)₄] + 3H₂O.
Cu гидроксидлари NH₃ нинг сувли эритмасида эриб, аминокомплекслар ҳосил қилади:
Cu(OH)₂ + 4NH₃ → [Cu(NH₃)₄](OH)₂,
Cu(OH)₂ + 4NH₃ + 2H₂O → [Cu(NH₃)₄(H₂O)](OH)₂.
Катионли комплекслар орасида [Cu(NH₃)₂]⁺ (рангсиз) ва [Cu(NH₃)₄]²⁺ (қорамтир-кўк) типидаги Cu аминокомплекслари айниқса барқарор. Cu(I) аквакомплекслари Cu(I) тузлари учун хос бўлмаган, барқарорлиги кам кристаллогидратлардир. Кўпчилик Cu(I) тузлари сувда эримайди, лекин NH₃ иштирокида осон эрийди. Cu(II) учун аксинча [Cu(H₂O)]²⁺ типидаги ҳаворанг аквакомплекслар жуда хос. Cu(II) сувсиз тузларининг деярли ҳаммаси ранг-сиз ёки қорамтир-жигарранг ёхуд қора рангли. Сувли эритмада улар кам эрувчи асосли тузлар ҳосил қилиб гидролизланади.
Кўпгина Cu(I) тузлари сувли эритмада беқарор бўлиб, Cu ҳамда Cu²⁺ га диспропорцияланади:
Cu₂SO₄ Cu + CuSO₄.
Cu(III) ва Ag(III) учун фторли ҳосилалар маълум: кўк K₃[CuF₆] ва сариқ K[AgF₄]. Cu(OH)₂ ишқорий муҳитда оксидланганда KCuO₂ ва K[Cu(OH)₄] типдаги гидроксо- ва оксокупрат(III) лар олинади:
2Cu(OH)₂ + NaClO + 2NaOH → 2NaCuO₂ + NaCl + 3H₂O.
Cu(III) ва Ag(III) бирикмалари – кучли оксидловчи.
Беқарор оксидланиш даражалари комплексларда барқарорлашади.
Cu ва Au нинг анионли комплекслари орасида, айниқса, координацион сони 2(Cu(I)) ва 4(Cu(II), Au(III)) га тенг бўлган гидроксо-, галогено-, циано-купратлар ва ауратлар барқарор.
Олтин ва криптон фторидни ўзаро таъсир эттириб, олтин пентафто-рид олинади. AuF₅ – қизғиш-қўнғир рангли кристалл модда:
2Au + 5KrF₂ → 2AuF₅ + 5Kr.
Олтин пентафторид AuF₅ кислотали хоссага эга, асосли фторидлар би-лан фтороаурат(V) лар ҳосил қилади, масалан:
NaF + AuF₅ → Na[AuF₆].
Au(V) бирикмалари – жуда кучли оксидловчи. AuF₅, ҳатто XeF₂ ни ок-сидлайди:
AuF₅ + XeF₂ → XeF₄ + AuF₃.
AuF₇ фторид ҳам маълум. У ўта беқарор.
I гуруҳ элементларининг (айниқса Cu) барча бирикмалари заҳарли.