Loyiha muallifi mehriniso xudaybergenova qalb gavhari o‘zbekiston ijodkor yoshlar to‘plami

SHAMSIDDINOV TURG'UNBEK 
2013 - yil 29-dekabrda Sirdaryo viloyati Sayxunobod tumanida 
tavallud topgan. Hozirda Sayxunobod tumanidagi 1-maktabning 4-
sinf o'quvchisi. 
ONAM 
Chehrasi quyosh, ko'ngli yarimta, 
Onamning yuragi bo'lingan nimta. 
Rohatlar ko'rsin ikki dunyoda, 
Onamning umrini qilgin ziyoda. 
Mehribonim onam, baxtimiz - siz, 
Sizga hurmat sizga izzatim bo'lsin. 
Duo qiling, dillardagi ahdimiz - siz, 
Sizni rozi qilar xizmatim bo'lsin !.. 
OLAM VA ODAM 
Go'zallik ichida go'zallik yashar,
Yaxshilik insonga doim yarashar, 
Olam va odam go'zal ekan-da,
Yaxshilik qalbga mehr ulashar. 

---

70 
NAIMJONOVA SITORA UYG'UN QIZI 
2005-yil 11-oktabrda Sirdaryo viloyati Boyovut tumanining 
Sarmich mahallasida tug'ilgan. "Qirg'iz shoir va yozuvchilar 
fondi" a'zosi. Respulika yosh ijodkorlarining "Zomin seminari-
2023" ishtirokchisi. Ilk kitobi "Kulchamning kulgichi" nomi 
ostida 
chop 
etilgan. 
Sheʼrlari 
Turkiyaning 
"Mujda" 
antalogiyasida, "Ijod bog'idan guldasta" va "Ko'ngil qo'shiqlari" 
nomli yoshlar bayozida va shuningdek respublika va viloyat 
gazetalarida nashr etilgan. Hozirda Sirdaryo viloyatidagi Halima 
Xudoyberdiyeva nomidagi ijod maktabining 11-sinf o'quvchisi. 
ONA 
Ona, ko'z yoshlarim bolalab ketdi, 
Qishloqda qaqragan nigohing qumsab. 
Yuragim dashtida sog'inch o'tlagan, 
barra o't, barra. 
Qo'llaringni qavartirgan,
qoraytirgan
tandirdagi olov kabi mehring tusab, 
so'lib borar shaharlashgan qizing, qara! 
Ona, bu bahor ham tugab borar. 
Manglayi qizargan ayvoning qalay? 
Tokchada turibdimi o'sha beg'ubor,
o'sha beozor sheʼrlar?.. 
Oh, mening sheʼrlarim — begunoh sheʼrlarim. 
Yozib turibman hali ham, 
ammo men deb gunohkor, 
boshiga g'am tushgan misralar, 
sheʼrlar bir talay. 
Lekin, qiyin juda, shahar bugun mexaniklashgan:
mexanik ko'ngillar, mexanik yerlar... 
Ona, omonman, shukur, 
Soddasan-da onaginam,

---

71 
xavotirning to'rlariga tushib yuribsan bir kapalak misol. 
Tashvishlanma, qizing salomat, 
Biroq biroz horigan, xolos 
ma'rifatning mashaqqatidan. 
Ona, faqat o'zing sirdoshsan, 
zamoni deb mexaniklashgan, 
o'sha faqir dillardan holi. 
Mana, o'n sakkizga kirmoqdaman. 
Ona, qizing ulg'ayib qoldi. 
Lekin angladimikan?! 
— Men bu: Sening O'n sakkiz yillik mehring, 
parvarishing, 
eʼtiboring, 
ishonching, 
umiding, 
xavotiring, 
quvonching 
va azobing! 
Ko'z yoshingni bolalatma, hey. 
O'n sakkiz yil o'qiding meni, 
endi o'qib o'ksima ortiq. 
Men-chi? 
Men-chi, ona?! 
Senga berilgan, o'zi go'zal, asli dard tortiq!.. 
*** 
Tun ojiz. 
Olovman oʻzimga, 
Nigohim oʻtparast, notavon 
dilimga intiqib boʻgʻzimga 
chiqma jon. 
Qalbimda oʻkira boshlangan 
sog'inchning nafsidan toʻydim-ov 
nazarxoʻr koʻzlarim yoshlanmay 
qoʻydi-yov... 

---

72 
Ishqparast tumanlar qarshimda 
yolgʻonchi xotirday qolodir, 
Holsoʻrar saslarim arshimga 
borodir... 
Shu koʻyda yuragim telbavor 
Otashman, alanga qoʻnsin-ey 
Olovqalb ruhlarga Xudo yor
boʻlsin-ey. 
Xudo yor boʻlsin-ey..!