M. artikova, M. Tursunova
Download 0.9 Mb. Pdf ko'rish
|
boshlangich sinf oquv mashgulotlariga interfaol usullar tatbiqi
|
III. “Tafakkur cho’qqisi” metodi yordamida o’zlashtirilgan bilimlarni mustahkamlash, o’quvchilarga mavzu yuzasidan mantiqiy fikrlashni talab etuvchi savollar berish ko’zda tutiladi. IV. Uyga vazifa berish: 4-sinf matematika kitobidagi “Sonli ifodalar” mavzusidan 6,8- misollarni yechish. (47-bet).
a) ta’limiy maqsad: o’quvchilarni davlat ramzlarimiz va ularning hayotimizdagi ahamiyati bilan to’la tanishtirish; b) tarbiyaviy maqsad: o’quvchilarni avvalo ona vatanga, davlat ramzlarimizga hurmat ruhida tarbiyalash; c) rivojlantiruvchi maqsad: o’quvchilarda erkin va mustaqil fikrlash ko’nikmalarini shakllantirish, ijodiy qobiliyatlarini rivojlantirish.
boshq.
IV. O’quvchilar egallashi lozim bo’lgan BKM elementlari: - davlatimizning qanday ramzlari borligini bilish; - bayroq haqida bilish; - gerb haqida bilish; - madhiya haqida bilish. Ko’nikma va malakalar: - bayroq qachon qabul qilinganini aytib berish; - gerb qachon qabul qilinganini aytib berish; - madhiyamiz haqida ma’lumotga ega bo’lish; - davlat ramzlarining hayotimizdagi ahamiyati haqida gapirish. V. Darsning metodlari: aqliy hujum, “ Buzuq telefon” . VI. Dars shakli: suhbat, ma’ruza. VII. Dars usuli: tayyor yozma materiallar va ko’rgazmalar usulida. VIII. Darsda qo’llaniladigan vositalar: bayroq, gerbning rasmlari, O’zbekiston Respublikasining Konstitutsiyasi va boshq. IX. Darsning borishi: 1. Tashkiliy qism: salomlashish, davomatni aniqlash va yangiliklar haqida suhbat. 2. O’tilgan mavzuni takrorlash. O’tilgan mavzu: “O’zbekiston – mening vatanim”. Takrorlash yuzasidan savollar: 1. Konstitutsiyamizga binoan vatanimizning nomi nima deb ataladi? 2. Vatanimiz qachon mustaqillikka erishgan? 3. Vatan haqida she’r aytib bering.
Dars O’zbekiston Respublikasi madhiyasini kuylash bilan boshlanadi. O’qituvchi: Aziz o’quvchilar, bizga ma’lumki, ona vatanimiz, O’zbekiston 1991-yil 31- avgustda mustaqillika erishdi. Shu kundan boshlab mardona “Mustaqillik” so’zi tilimizga ko’chdi. Va bizning kelajagi buyuk davlatimiz o’z ramzlariga, o’z davlat tiliga ega bo’ldi. Yurtboshimiz Islom Abdug’aniyevich Karimov bu haqida to’xtalib shunday degan: “Milliy timsollarimiz va ramzlarning har biri milliy g’ururimizni yuksaltirishga xizmat qiladi. Ularning har biri katta bir darslik, kuchli tarbiya vositasidir”. Bas shunday ekan biz davlat ramzlarimiz bilan faxrlanmog’imiz, ularga hurmat bilan munosabatda bo’lmog’imiz kerak. O’zbekiston Respublikasi Konstitutsiyasining 5-moddasida O’zbekiston Respublikasi qonun bilan tasdiqlanadigan o’z davlat ramzlari-bayrog’i, gerbi va madhiyaga ega, deb belgilab qo’yilgan. XI. O’qituvchi o’quvchilarga davlat ramzlarimiz to’g’risidagi ma’lumotlarni aytib beradi. 1. O’zbekiston Respublikasining davlat bayrog’i O’zbekiston Respublikasi Oliy Kengashining navbatdan tashqari o’tkazilga VII sessiyasida 1991-yil 18-noyabrda tasdiqlangan. Bayro’g’imiz va unda aks etgan ramzlar qadimiy tarix bilan bog’liq bo’lgan milliy, madaniy an’analarni o’zida aks ettirgandir. Bayroqda aks etgan moviy rang musaffo osmon va obihayot ramzidir. Bayrog’imizdagi oq rang – muqaddas tinchlik ramzi bo’lib, u nurafshon kun va koinot yoritgichlari bilan uyg’unlashib ketgan – poklik, beg’uborlik, orzular nurafshonligi va go’zallikka intilish timsolidir. Yashil rang esa tabiatning yangilanish, yasharish ramzi hisoblanadi. Bayroqdagi qizil chiziqlar – tomirlarimizda jo’shib oqayotgan jonbahsh irmoqlardir. Yarim oy tasviri bizning tarixiy an’ana – yu milliy qadriyatlarimiz bilan bog’liqdir. Bayrog’imizda 12 yulduzning aks etishi o’z ramziy ma’nosiga egadir. Bu birinchidan quyosh yilnomamizga dahldorligini bildirsa, ikkinchidan bizning ilm – ma’rifatda dunyoga yuz tutgan daholarga beshik bo’lgan buyuk davlatimizda “Nujum ilmi” taraqqiy etganligi, bunda Mirzo Ulug’bek, Abu Rayhon Beruniy kabi ulug’ allomalarimizning butun dunyo tan olgan ulkan kashfiyotlari bilan ham izohlanadi. O’qituvchi: Bu bayrog’imiz to’g’risidagi ma’lumotlar edi. Endi gerbimizning qisqacha tafsilotiga to’xtalib o’taman. Gerb so’zi aslida nemis tilidagi “gerbo” so’zidan olingan bo’lib, davlat, hudud, nasldan naslga meros bo’lib qoladigan mulk belgisini anglatadi. O’zbekiston Respublikasining davlat gerbi O’zbekiston Respublikasi Oliy Kengashining 1992-yil 2-iyulda bo’lib o’tgan X sessiyasida tasdiqlangan. Gullarga burkangan go’zal vodiy uzra nur sochayotgan quyosh aks etgan gerbimizning o’ng tomonida pishib yetilgan risq-ro’zimiz bo’lmish bug’doy boshoqlari, so’l tomonida esa milliy boyligimiz hisoblanmish lo’ppi ochilgan paxta chanoqlari tasvirlangan chiroyli chambarni ko’rish mumkin. Uning yuqori qismida jipsligimiz ramzi sifatida sakkiz qirrali yulduz, sakkiz qirra ichida esa yarim oy va yulduz tasvirini ko’ramiz. Gerbimiz markazida oliyjanoblik va sahovat, himmat va fidoyilik, tinchlik timsoli hisoblanmish afsonaviy humo qushi qanotlarini keng yozib turibdi. Pastki qismidagi davlatimiz bayrog’ini ifodalovchi uch rangdan iborat chambarga “ O’zbekiston” so’zi yozib qo’yilgan. Shundan so’ng o’qituvchi madhiyamiz haqida ham qisqacha to’xtalib o’tadi va uning hayotimizdagi ahamiyati haqida o’quvchilarga so’zlab beradi. XII. Mustahkamlash uchun metodlar. “Buzuq telefon” metodi. Ushbu metod o’quvchilarga xotirani charxlashga, o’z mustaqi fikriga bo’lgan ishonch, o’z ishiga mas’uliyat singari tushunchalarni tarkib toptirishga xizmat qiladi. Metodni o’qituvchi turli xil fanlardan vaziyatga moslab o’tkazishi mumkin. Bunda o’qituvchi o’quvchilar jamoasini 2 guruhga ajratadi. Ular bajaradigan ishlar esa quyidagilardan iborat: - guruhlar davlat ramzlari bo’yicha eshitgan ma’lumotlarini o’zaro takrorlaydilar; - ma’lumotlar bir joyga yig’ilgandan so’ng guruh sardori raqib guruhga ifodali qilib so’zlab beradi. Masalan: O’zbekiston Respublikasining davlat bayrog’i haqida; - qolgan o’quvchilar esa fikrlarni to’ldiradilar; - raqib guruh esa eshitgan ma’lumotlarini iloji boricha xato qilmasdan qaytadan so’zlab berishi kerak bo’ladi; - ikkinchi guruh tomonidan ushbu faoliyat qaytadan takrorlanadi. Masalan: O’zbekiston Respublikasining davlat gerbi haqida; - guruhlar faoliyati o’qituvchi tomonidan xolis baholanadi; - xatosiz va tez so’zlab bergan jamoa g’olib hisoblanadi. Uyga vazifa : Davlat ramzlarining rasmini ishlash.
I. Dars mavzusi: Mulk mehnat bilan topiladi. II. Darsning maqsadlari: a) ta’limiy maqsad: o’quvchilarni mulk va ularning turlari haqidagi ma’lumotlar bilan to’la tanishtirish; b) tarbiyaviy maqsad: o’quvchilarni mehnatkash, tejamkor va tadbirkor qilib tarbiyalash; c) rivojlantiruvchi maqsad: o’quvchilarni mustaqil va erkin fikrlashlariga imkon yaratish, mantiqiy tafakkurini rivojlantirish. III. Asosiy tushuncha va atamalar: mulk, qonun, davlat mulki, shaxsiy mulk, burch, huquq. IV. O’quvchilar egallashi lozim bo’lgan BKM elementlari: Bilimlar: - mulk nima ekanligini bilish; - mulkning turlarini bilish; - mulk to’g’risidagi burchlarimizni bilish. Ko’nikma va malakalar: - davlat mulki bilan shaxsiy mulkning farqini aytish. - davlat mulkiga nimalar kirishini aytish; - shaxsiy mulkka nimalar kirishini aytish. V. Darsning metodlari: Aqliy hujum, “ Beshinchisi, oltinchisi, yettinchisi… ortiqcha “ metodi.
VI. Dars shakli: amaliy mashg’ulot, suhbat-ma’ruza. VII. Dars usuli: noan’anaviy. VIII. Darsda qo’llanialdigan vositalar: Mulkni ifodalovchi buyumlarning rasmlari, 2-sinf “Kostitutsiya alifbosi” darsligi. 1. Tashkiliy qism: Salomlashish, davomatni aniqlash, yangiliklar haqida suhbat. 2. O’tilgan mavzuni takrorlash. O’tilgan mavzu: Sog’lom bo’laylik. Takrorlash yuzasidan savollar:
1. Inson sog’lom bo’lishi uchun nimalar qilishi kerak? 2. Konstitutsiyamizda bu haqida nimalar deyilgan? 3. She’rdan qanday xulosa chiqardingiz?
O’qituvchi: Aziz o’quvchilar, o’zingizga tegishli bo’lgan qanday shaxsiy buyumlaringiz bor? O’quvchi: Kitob, daftar, qalam, ruchka, velosiped, qo’g’irchoq va hokazo. O’quvchi: Ota-onangiz sizga ana shu buyumlaringizni qayerdan sotib olib beradi? O’quvchi: Supermarketdan yoki bozordan. O’qituvchi: Har kuni maktabga nimada kelasiz? 2-o’quvchi: Avtobusda yoki metroda. O’qituvchi: Barakalla, siz sanayotgan narsalarning barchasi mulk turlariga kiradi. Ularning hech qaysinisi o’z-o’zidan paydo bo’lib qolmaydi. Inson ushbu narsalarga faqat mehnat qilish orqali erishadi. Biz bugun sizlar bilan “ Mulk – mehnat bilan topiladi” mavzusini o’tamiz.
Atrofimizdagi barcha narsalar, buyumlar kimgadir tegishli bo’lsa, bular mulk deb atalishini birinchi sinfdan bilamiz. Davlatga tegishli narsalar davlat mulki deyiladi. Alohida odamga tegishli narsalar shaxsiy mulk deyiladi. Biz foydalanadigan avtobus, metro, tramvay, trolleybuslar, maktablar davlat mulkidir. Bizning shaxsan o’zimizga tegishli mulk, masalan, velosiped, o’yinchoqlarimiz, kiyimlarimiz, kitob va boshqalar bizning shaxsiy mulkimizdir. Shunday mulk bizning sinfdoshlarimiz va boshqa o’rtoqlarimizda ham bor. Ruhsatsiz birovning mulkini olish, unga zarar yetkazish mumkin emas. Biz o’z mulkimizni qanday asrab – avaylasak, davlatning va o’zgalarning mulkini ham ehtiyot qilishimiz shart. Bu bizning burchimizdir.
O’quvchilarni mantiqiy tafakkur yuritish ko’nikmalariga ega bo’lishlarida ushbu metod alohida ahamiyatga ega. Uni qo’llashda quyidagi harakatlar amalga oshiriladi. O’quvchilar ikki guruhga ajratiladi: 1-guruh “Mulkdorlar”, 2-guruh “Tadbirkorlar”. O’rganilayotgan mavzu mohiyatini ochib berishga xizmat qiluvchi tushunchalar tizimi shakllantiriladi. Masalan: alohida kvadrat shaklidagi qog’ozlarga davlatga va shaxsga tegishli bo’lgan mulk turlari aralash holatda yoziladi. Har bir guruhdan ikkitadan yoki uchtadan vakil chiqib, 1-guruh davlatga tegishli bo’lgan, ikkinchi guruh shaxsga tegishli bo’lgan mulk turlarini ajratishlari kerak bo’ladi. Topshiriq tugatilgach o’quvchilardan ikkala mulk turlari o’rtasidagi bog’liqlikni sharxlash vazifasi topshiriladi. Mavzu mohiyatini yorituvchi tushunchalar o’rtasidagi mantiqiy bog’liqlikni ko’rsata va asoslay olish o’quvchilarda mustaqil fikrlash, shaxsiy yondashuvlarini asoslay olish, shuningdek, tengdoshlarining fikrlari bilan shaxsiy mulohazalarini o’zaro taqqoslash ko’nikmalarini ham shakllantiradi.
3-SINF I. Dars mavzusi: O’zbekiston Respublikasining Konstitutsiyasi. II. Darsning maqsadlari:
17 Karimova O. Konstitutsiya alifbosi: 2-sinf o’quvchilari uchun o’quv qo’llanma/ O.Karimova, Sh.Sariqovning umumiy tahriri ostida. – T.: Yangiyo’l polygraph service. 2008. 28-29-betlar. a) ta’limiy maqsad: o’quvchilarni qonun tushunchasi, mamlakatimiz Konstitutsiyasi to’g’risidagi ma’lumotlar bilan to’la tanishtirish; b) tarbiyaviy maqsad: o’quvchilarda Konstitutsiyamizga, mamlakatimizning asosiy qonunlariga bo’lgan mehr-muhabbat, hurmat tushunchalarini tarbiyalash; c) rivojlantiruvchi maqsad: O’quvchilarning huquqiy savodxonligini oshirish.
urf -odatlar va hokazo. IV. O’quvchilar egallashi lozim bo’lgan BKM elementlari: Bilimlar: - qonun nima ekanligini bilish; - kostitutsiya nima ekanligini bilish; - an’ana-udumlar, urf-odatlar nima ekanligini bilish; Ko’nikma va malakalar: - konstitutsiya haqida to’laroq ma’lumot berish; - mustaqillikdan keyin qabul qilingan yangi qonunlarni aytish; - ajdodlarimiz amal qilgan urf -odatlar haqida gapirish; V. Darsning metodlari: Aqliy hujum, “Tafakkur buluti” metodi. VI. Dars shakli: suhbat, amaliy mashg’ulot. VII. Dars usuli: noan’anaviy. IX. Darsning borishi: 1. Tashkiliy qism: salomlashish, huquqiy yangiliklar haqida suhbat. 2. O’tilgan mavzuni takrorlash. O’tilgan mavzu: O’zbekiston Respublikasi mustaqillik davrida. Takrorlash yuzasidan savollar: 1. Mustaqillik biz yoshlarga nima berdi? 2. Siz vatanimiz ravnaqiga o’zingizning qanday hissangizni qo’shmoqchisiz?
Aqliy hujum: O’qituvchi: Aziz o’quvchilar, dunyodagi eng qadrli ne’mat nima? O’quvchilar: Tinchlik va hotirjamlik, erkinlik va hurlik! O’qituvchi: Barakalla, bolajonlar. Dunyoda tinch va hotirjam, erkin va mustaqil insondan baxtliroq inson yo’q. Atoqli adibimiz Maqsud Shayxzoda ham bejiz “Kishi tug’ilmaydi boshda toj bilan, Tug’ilar u erkka ehtiyoj bilan” deb aytmagan. Vatanimiz o’zbekiston ham ana shunday tinch va farovon, mustaqil mamlakatlardan biri hisoblanadi. Yurtimiz istiqlolga erishgandan so’ng qo’lga kiritgan eng katta yutuqlaridan biri bu- mamlakatimiznig asosiy qomusi hisoblangan Konstitutsiyasidir. Bugungi mavzuyimiz ham aynan Konstitutsiyaga bag’ishlangan. Xo’sh, kim Konstitutsiya haqida bizga she’r aytib bera oladi? She’r o’quvchilar tomonidan ifodali qilib o’qib beriladi.
20 yil tarix nazdida Bir lahzaga chaqqulik fursat Ammo, yurtim shu fursat men chun Sahrolarga tutashgan sarhad. Xalqim, erkning quyoshi porlar Manglayingda balqqan saodat Har bir oning hurlikka chorlar Xalqim o’zi bergaydir madad.
Har tong jo’shib madhiyang yangrar Osmoninngda hilpirar bayroq, Gerbing uzra humo charx urar
Qomusing hech so’nmas bir mayoq. Ozodlikning ramzi bu kitob Ezgulikka qo’yilgan tamal Birdamlikka aytilgan hitob Adolatdek qulamas haykal. Unda bordir xalqim o’tmishi Go’yo menga so’zlangan ertak Bobolarim kechgan kechmishi Aks etgaydir nurli kelajak. Har satrida, har bir bobida Millionlarning taqdirin so’ylar Mujassamdir baxt kitobida Nurli hayot haqida o’ylar. Insonlarni ulug’lab yasha Mangu porla qomusim mening Noming kezsin asrlar osha Konstitusiyam – nomusim mening. XI. Darslik bilan ishlash. O’zbekiston Respublikasining Konstitusiyasi. 18 Har bir mamlakatning qoidalari bo’ladi. Ularga o’quvchi, talaba, ishchi yoki nafaqaxo’r bo’lishidan qa’iy nazar barcha bo’ysunishi lozim. Bu qoidalar qonunlar deb ataladi. Qonunlar davlat tomonidan o’rnatiladi. Ularni buzgan odam jazolanadi. Mustaqillika erishgach, davlatimizda yangi qonunlar qabul qilindi. O’zbekiston Respublikasi fuqarolarining huquqlari ta’minlandi. Mamlakatimiz Konstitusiyasi-boshqa barcha qonunlar bo’ysunadigan asosiy qonundir. U shuningdek, qonunlarning eng muhimi hamdir. Konstitutsiyada mamlakatimiz aholisining eng asosiy huquq va majburiyatlari haqida yozilgan. Mamlakatda tartibni saqlash va qonunlarning buzilmasligini nazorat qiluvchi insonlar bo’ladi. Ular avvalo militsiya hodimlari va ko’plab boshqa soha vakillaridir. Qonun-barcha uchun bajarilishi majburiy bo’lgan qoidalardir. Ammo qonundan tashqari boshqa qoidalar ham bor. Bu qoidalar bizga noqulay ahvolga tushib qolmaslik yoki kimnidir hafa qilib qo’ymaslik uchun yordam beradi. Biz o’zimizni bu qoidalarga mos tutamiz. Jamiyatdagi mavjud o’ziga xos qoidalar an’anana-udumlar yoki urf-odatlar deb ataladi. Bizning ota-onamiz ham, bobo-buvilarimiz ham ana shunday qonun-qoidalar asosida hayot kechirishgan. XII. Mustahkamlash uchun metodlar: “Tafakkur buluti” metodi. Ushbu metod “Klasster” metodining bir shakli hisoblanib, o’quvchilarda ixtiyoriy muammo xususida erkin, ochiq o’ylash va shaxsiy fikrlarini bemalol bayon etish uchun sharoit yaratishga yordam beradi. Mazkur metod turli xil g’oyalar o’rtasidagi fikrlash imkoniyatini beruvchi tuzilmani aniqlashni talab etadi. Metod mazmuni: - o’qituvchi tomonidan sinf jamoasi ikki guruhga bo’linadi; - har bir guruhga avvaldan vatman qog’oziga chizilgan “ tafakkur buluti” tarqatiladi; - bulutning nomi “konstitutsiya” bo’lib, undan yog’ayotgan qor parchalari uning zamiridagi asosiy tushunchalardir; - o’quvchilar ijodiy yondoshgan holda qor parchalarini shunday shakllantirsinlarki, ularda nafaqat asosiy tushunchalar, balki ularning orzu va istaklari o’z ifodasini topsin.
18 Karimova O. Konstitutsiya alifbosi: 3-sinf o’quvchilari uchun o’quv qo’llanma/ Sh. Sariqovning umumiy tahriri ostida. –T.: SHARQ, 2007. 6-8 betlar.
Uyga vazifa: Mavzuni o’qib yod olish.
I. Dars mavzusi: Bilim olish huquqi. II. Darsning maqsadlari: a)
ta’limiy maqsad: o’quvchilarga bilim olish huquqi va uning qay tarzda amalga oshirilishi to’g’risidagi ma’lumotlarni to’la yetkazish; b) tarbiyaviy maqsad: o’quvchilarga inson hayotida bilimning nechog’lik katta ahamiyatga ega ekanligini tushuntirish, ularni bilimli, aqlli shaxs qilib tarbiyalash; c)
rivojlantiruvchi maqsad: o’quvchilarning huquqiy savodxonligini oshirish. III. Asosiy tushuncha va atamalar: Konstitutsiya, bilim, bilim olish huquqi, maktab va hokazo.
IV. O’quvchilar egallashi lozim bo’lgan BKM elementlari: Bilimlar: - bilim olish nima ekanligini bilish; - bilim olish huquqi nima ekanligini bilish; - konstitutsiyamizning 41-moddasini bilish. Ko’nikma va malakalar: - bilimning inson hayotidagi ahamiyati haqida gapirish; - umumiy o’rta ta’lim olish qay tarzda amalga oshishini aytish; - vatanning munosib farzandi bo’lish uchun nimalar qilish lozimligi haqida gapirish. V. Darsning metodlari: aqliy hujum, “BBB”. VI. Dars shakli: suhbat-ma’ruza. VII. Dars usuli: tayyor yozma materiallar va ko’rgazmalar usulida. VIII. Darsda qo’llaniladigan vositalar: 4-sinf “Konstitutsiya alifbosi” darsligi, mavzuga oid rasmlar, ko’rgazmali qurollar. IX.Darsning borishi:
1. Tashkiliy qism: salomlashish, davomatni aniqlash, yangiliklar haqida suhbat. 2. O’tilgan mavzuni takrorlash. O’tilgan mavzu: Dam olish va mehnat qilish huquqi. Takrorlash yuzasidan savollar: 1. Konstitusiyamizning 37-moddasida nima deyilgan? 2. 38-moddasida-chi? 3. Mamlakatimiz qonunchiligiga ko’ra, har bir ishchi yoki xizmatchi qancha muddatdan so’ng ta’til olish huquqiqiga ega?
O’qituvchi: Aziz o’quvchilar, bilim olish haqida qanday maqollar va ibratli fikrlarni bilasizlar? O’quvchilar: - Bilagi zo’r birni yiqar, bilimi zo’r mingni. - Ilmli kishi xor bo’lmas. - Beshikdan to qabrgacha ilm izla. - Ilm olish igna bilan quduq qazishga teng. O’qituvchi: Barakalla, aziz o’quvchilar, insonning ko’rki uning tashqi ko’rinishida emas, balki uning aql-u odobidadir. Aynan mana shunday intiluvchan, sog’lom, bir so’z bilan aytganda bilimli yoshlar jamiyat tayanchidir. Bugun biz sizlar bilan darsligimizdagi “ Bilim olish huquqi” mavzusi haqida gaplashamiz. XI. Darslik bilan ishlash. Bilim olish huquqi. 19
O’zbekiston respublikasi Konstitutsiyasi, 41 – moddasidan. Siz bilan bilim olish huquqi haqida 3 – sinfda ham o’qigan edik. Har bir inson qobiliyati va intilishiga qarab istaganicha bilim olish huquqiga ega. Aholi uchun yetarlicha umumta’lim maktablarini ochish davlatning zimmasidadir. Davlat moddiy jihatdan kam ta’minlangan oilalarning farzandlariga moddiy yordam ko’rsatadi. Bilim olish huquqi barchaga barobar bo’lib, har bir bola ijtimoiy kelib chiqishidan qat’iy nazar o’qish imkoniyatiga ega. O’zbekistonda umumiy o’rta ta’lim olish barcha uchun majburiy va bepuldir. Bu har bir bolaga bilimli bo’lish imkoniyatini beradi. Kelajakda jonajon vatanimizning munosib farzandlari bo’lish uchun o’qimishli, bilimli bo’lishimiz lozim. Shuning uchun ham bilim olish bizning nafaqat huquqimiz, balki burchimiz hamdir. Download 0.9 Mb. Do'stlaringiz bilan baham: 
|