M. Dáwletov, Sh. Allaniyazova, D. Seytqasımov, A. Dáwletova

Sorawlar hám tapsırmalar:
1. Qaratpa aǵzalar qanday sóz shaqapları arqalı bildiri-
ledi?
2. Qaratpa aǵzalar gáptiń qaysı orınlarında qollanıladı 
hám qanday irkilis belgileri qoyıladı?
§ 30. 9-may — Eslew hám qádirlew kúni
172-shınıǵıw. Tekstti oqıp shıǵıp, mazmunın sóylep beriń.
Mámleketimizde hár jılı 9-may kúni eslew hám 
qádirlew kúni dep belgilenedi. Bul kúni xalqımız ekinshi 
jer júzilik urısqa qatnasqan veteranlarǵa húrmet-izzet kórse-
tedi. Dúnyadan ótken insanlardı eslep, olardıń qábirle-
riniń basına zıyarat etedi. Prezidentimiz pármanı menen 
ornatılǵan «Hásiretli ana» esteligine gúl sheńberleri qoyıladı. 
Ata-anaların, jası úlken qariyalardıń awhallarınan xabar 
aladı. Biytap bolıp jatırǵanlardı barıp kóredi. Bunday xalqı-
mızǵa tán bolǵan miyrim-shápáát, jası úlkenge húrmet, 
marhumlardı eslew sıyaqlı qádiriyatlar keleshek áwladqa úlgi 
boları sózsiz.
173-shınıǵıw. Qosıqtı tásirli etip oqıń hám yadlap alıń. 
SEN JETIM EMESSEŃ
Sen jetim emesseń.
Tınıshlan, quwatım,

---

127
Quyashtay mehriban,
Watanıń — anań.
Aspanday tiregiń bar,
Miynetkesh ǵamxor.
Tilegińdi orınlar
Xalıq bar, atań bar.
Shorshıma, quwatım,
Óz úyińdeseń.
Bul jerde
apat joq,
qayǵı-ǵam,
órt joq.
Bunda bar:
Muhabbat,
Altın tań,
gúl tań.
Hám miynet nanın jep,
jasaymız biz toq. 
Sen jetim emesseń,
Uyqıla, quwatım.
Bul jerde muzlaǵan,
Áydarha alqımı,
Qorqınıshlı toplar,
Gúńirenbes hár kúni.
Bul jerde — adamzat
túrinde júrgen,
Náletiy jawlardıń,
Jeksurın, shermende,
Iplas saltanatı,
Taba almas óz kúnin.
(Ǵafur Ǵulam)
Sózlik