M. S. Tulayev

 
2. Buxgalteriya hisobi xizmati rahbarining xo‘jalik operatsiyalarini 
hujjatlar asosida rasmiylashtirishida imzo huquqi 
Pul, tovar-moddiy boyliklarni va boshqa boyliklarni qabul qilish hamda 
berish uchun asos bo‘lib xizmat qiladigan hujjatlar, kredit va hisob-kitob 
majburiyatlari, shuningdek moliyaviy va boshqa hisobotlar buxgalteriya hisobi 
subyektining rahbari tomonidan yoki u belgilaydigan shaxslar tomonidan 
imzolanadi. 
Buxgalteriya hisobi subyektining rahbari imzolash huquqiga ega bo‘lgan 
shaxslarning ikkita ro‘yxatini tasdiqlaydi. Birinchi ro‘yxatga buxgalteriya hisobi 
subyektida rahbarlik vazifalarini amalga oshiruvchi shaxslar, ikkinchisiga esa, 
buxgalteriya hisobi va moliyaviy boshqarish vazifalarini amalga oshiruvchi 

---

64 
shaxslar kiradi. Agar buxgalteriya hisobi subyekti rahbari buxgalteriya hisobi va 
moliyaviy boshqarish vazifalarini o‘z zimmasiga olgan bo‘lsa, u holda har ikkala 
ro‘yxatda ham o‘zini ko‘rsatadi. 
Ushbu moddaning ikkinchi qismida ko‘rsatilgan shaxslarning imzosi mavjud 
bo‘lmagan hujjatlar haqiqiy emas deb hisoblanadi. 
 
Nazorat va mulohaza uchun savollar 
1. Bosh buxgalter yoki buxgalteriya hisobi va moliyaviy boshqarish 
vazifalarini amalga oshiruvchi boshqa mansabdor shaxs buxgalteriya hisobi 
xizmatining rahbari deganda nimani tushunasiz 
2. Buxgalteriya hisobi xizmati rahbarining xo‘jalik operatsiyalarini hujjatlar 
asosida rasmiylashtirish tartibini ayting 
 
 

---

65 
6-BOB. MUSTAQIL AUDITOR VA BOSHQARUV QARORLARNI 
QABUL QILISHDA AUDITORLIK XULOSASINING O’RNI 
 
1. Majburiy va tashabbus shaklidagi audit 
2. Ijobiy va salbiy auditorlik xulosasi