M xoliqova, sh. Ergasheva

ONALIK VA BOLALIK DAVLAT MUHOFAZASIDA
Farzandlar ota-onalarning nasl-nasabidan va 
fuqarolik holatidan qat’i nazar, qonun oldida 
tengdirlar. 
Onalik va bolalik davlat tomonidan muhofaza 
qilinadi.
65-modda
Har bir xalq farzandlarining jismonan sog‘lom, 
ma’nan barkamol bo‘lib voyaga yetishini istaydi.
O‘zbekistonda 
bolaga 
hali 
u 
tug‘ilmasidanoq 
g‘amxo‘rlik ko‘rsatiladi. Har bir viloyat va tumanda 
tashkil etilgan maxsus tibbiy markazlarda ona va bola 
sog‘ligi muntazam nazorat qilib boriladi.
Yosh avlod tarbiyasi va salomatligiga katta e’tibor 
qaratilayotganini mamlakatimizda yillarning quyidagicha 
nomlanga nidan ham bilib olish mumkin:
1998-yil – «Oila yili» 
2001-yil – «Ona va bola yili» 
2008-yil – «Yoshlar yili» 
2010-yil – «Barkamol avlod yili» 
2012-yil – «Mustahkam oila yili» 
2014-yil – «Sog‘lom bola yili» 

---

61
2016-yil – «Sog‘lom ona va bola 
yili» 
Turli kasalliklarga qarshi emlash 
tadbirlari bolalar salomatligi uchun 
zarur. Tug‘ilgan paytimizdan shu 
kunga qadar har birimizda bir necha 
marta emlash amaliyoti o‘tkazilgan. 
Bu kasal bo‘lishimizning oldini olish 
uchun muhim.
Bundan tashqari, har bir o‘quv-
chi 
salomatligi 
maktab 
hamshi-
ralari va oila viy poliklinika shifokor-
lari nazoratiga olin gan. Bolalarning 
sog‘lom o‘sishlari uchun maktablarda jismoniy tarbiya 
darslari joriy etilgan. Bolalarda o‘zlari xohlagan sport 
to‘garagiga qatnashish imkoniyati bor.
Maktab o‘quvchilari o‘rtasida o‘tkaziladigan an’anaviy 
«Umid nihollari» sport musobaqalari o‘g‘il-qizlarning jis-
monan sog‘lom, ma’nan yetuk bo‘lib voyaga yetishlari-
da muhim ahamiyatga ega.
TAN SIHATLIK – TUMAN BOYLIK
O‘tgan zamonda bir qashshoq yigit donishmand 
cholning oldiga kelib:
– Ota, yeyishga nonim, kiyishga kiyimim yo‘q. Juda 
qiy naldim, nima qilishimni bilmay qoldim. Endi qayerga 
borib dod desam ekan? – deb zorlanibdi.
Chol unga razm solib turibdi-da, debdi:
– Xo‘p, bo‘lmasa, menga o‘ng qo‘lingni sot, necha 
pul beray?
– Yo‘q, o‘ng qo‘lim o‘zimga kerak, sotmayman, – 
deya javob qaytaribdi hayron bo‘lgan yigit.
– Bo‘lmasa o‘ng ko‘zingni sot.

---

62
– Nega endi ko‘zimni sotar ekanman? U hali men-
ga kerak, – debdi yigit.
Chol shu tarzda yigitning tana a’zolarini birma-bir 
sotgin deb aytib chiqibdi. Yigit esa yo‘q degan javobni 
qaytarave ribdi. Shunda chol yigitga:
– To‘rt muchang sog‘ bo‘la turib turmushdan nega 
zorlanasan? Tan sihatlik – tuman boylik-ku! Sog‘-sa-
lomat bo‘lsang, qo‘lingdan har ishni bajarish keladi, 
kuning o‘tadi. Sen yaxshisi, dangasalikni yig‘ishtir-da, 
mehnat qil, – deb maslahat beribdi.