M xoliqova, sh. Ergasheva

OQIL BOBO NASIHATLARI
O‘z Vatanini sevmagan odam – yomon odam. Kim-
da-kim o‘z ona-diyorining zamini-yu, oqar suvlarini, 
kimsasiz cho‘llari-yu, dala-dashtlarini qalbdan sevsa, u 
kam bo‘lmaydi. Zavol ko‘rmay, kamol topadi. Vatanga-
do esa xalq qahr-g‘azabiga uchragan kishidir. Vaqti ke-
lib unga hatto bir parcha yer ham, kafan ham buyur-
maydi. Bir siqim ona yer tuprog‘i bir hovuch oltindan 
qimmat, deb bejiz aytishmagan.
* * *
Donishmanddan so‘rashibdi:
– Siz uchun eng ulug‘ va mo‘tabar narsa nima?
– Vatan, – deb javob beribdi u.
– Nima uchun?
– Sababi, shu tuproq, shu zamin – men tug‘ilib 
o‘sgan, kindik qonim to‘kilgan joy. Shu yerning tuzini 
totib, suvini ichib, havosidan nafas olib, ulg‘aydim, ka-
mol topdim. Shu ning uchun u meni dunyoga keltirib, 
tarbiyalab katta qilgan onam kabi muqaddas.
Onani Vatanga, Vatanni onaga taqqoslanishining boi-
si ham ana shunda.
1. Mamlakatda notinchlik bo‘lsa, insonlarning 
turmushi qanday kechadi, deb o‘ylaysiz?
2. Ota-onangiz, bobo yoki buvingizdan tinch-
lik qadri haqidagi hayotiy voqealardan 
so‘zlab berishni iltimos qiling va mazmunini 
daftaring izga yozing.
3. Tinch-osoyishta hayotni asrash uchun nima 
qi lishimiz kerak?
4. Nima uchun Vatan onaga qiyoslanadi?

---

54
BIZNING ARMIYA
1. Vatanni kimlar qo‘riqlaydi?
2. Vatan posboni – askar qanday bo‘lishi ke-
rak?
Har bir mamlakat xavfsizligini ta’minlash, tinchligini 
saqlash uchun o‘z armiyasini shakllantiradi. O‘zbekis-
ton Respublikasining Qurolli Kuchlari 1992-yil 14-yan-
varda tashkil topgan. Shuning uchun har yil 14-yanvar-
ni «Vatan himoyachilari kuni» sifatida nishonlaymiz.
O‘zbekiston 
Respublikasining 
Qurolli 
Kuchlari 
Quruqlik dagi qo‘shinlar, Havo hujumidan mudofaa 
qo‘shinlari, Harbiy havo kuchlari, Maxsus qo‘shinlar, 
Chegara qo‘shinlari va boshqa harbiy tuzilmalardan 
tashkil topgan. Bundan ko‘rinib turibdiki, bizning armi-
yamiz mamlakatimizni har tomonlama ishonchli himoya 
qila oladi.

---

55
Mustaqillik yillarida armiyamiz har jihatdan takomil-
lashtirildi. Armiya eng zamonaviy qurol-yarog‘lar, harbiy 
texnika va asbob-uskunalar bilan ta’minlandi, askarlar 
uchun barcha shart-sharoitlar yaratildi.
Armiyada namunali xizmat qilgan askarlarga oliy 
o‘quv yurtlariga qabul qilish chog‘ida ma’lum imtiyozlar 
berilmoqda.
Harbiy san’at yurtimizda juda qadim zamonlar-
dayoq rivoj langan. Jaloliddin Manguberdi, Amir Temur, 
Bobur kabi ajdodlarimiz qo‘shin tuzish va uni boshqa-
rish ishini, harbiy jang san’atini puxta egallagan edilar. 
Amir Temur qo‘shin tuzib, navkar olishda yigitlarning 
kuch-quvvatiga, chapdastligi va jasurligiga, aql-zakovati-
ga e’tibor qaratgan.
Bag‘rida o‘stirib-ulg‘aytirgan, yaxshi bilim olishi-
miz, sog‘lom voyaga yetishimiz uchun qayg‘urgan 
ona-Vatanga xizmat qilish biz – yoshlarning sharaf-
li burchimizdir. Bu ning uchun barchamiz astoydil bel 
bog‘lashimiz lozim. Muntazam sport bilan shug‘ullanib 
chiniqishimiz, fanlarni chuqur o‘zlashtirishimiz, dunyoqa-
rashimizni kengaytirishimiz, til o‘rganishimiz shart. Ana 
shundagina biz chinakam yurt posboni bo‘lamiz.

---

56