M xoliqova, sh. Ergasheva

TIL HAQIDA HIKMATLAR
Nodonlardek yuzlab so‘zni qilma qator,
Donolardek bir so‘z degil, lek ma’nodor.
Sa’diy Sheroziy
Yaxshi so‘z – jon ozig‘i,
Yomon so‘z – bosh qozig‘i.
Xalq maqoli
1. 
Qaysi mutafakkirni o‘zbek adabiy tilining 
asoschisi sifatida bilamiz?
A) Zahiriddin Muhammad Bobur; 
B) Alisher Navoiy;
D) Mahmud Koshg‘ariy;
E) Yusuf Xos Hojib.
2. O‘zbekiston Respublikasining «Davlat tili 
haqi da»gi Qonuni qachon qabul qilingan?
A) 1989-yil 21-oktabrda; B) 1991-yil 1-sentabrda;
D) 1992-yil 8-dekabrda; E) 1992-yil 2-martda.
1. Davlat tili deganda nimani tushunasiz?
2. Islom Karimovning «Yuksak ma’naviyat – 
yengilmas kuch» kitobidagi ona tili mizga oid 
fikrlarni o‘qib oling.
3. Mustaqillik yillarida ona tilimizning rivojlanishi 
uchun qanday ishlar amalga oshirildi?
4. Atrofingizdagi insonlardan kimning so‘zlashuv 
odobi sizga ma’qul? O‘zingizni, til odobiga 
rio ya qilyapman, deb o‘ylaysizmi?
5. Til haqidagi hikmatlarning mazmuniga e’tibor 
qi ling va eslab qoling.

---

23
MUSTAQILLIK YILLARIDA TIKLANGAN
TARIXIY OBIDALAR, YODGORLIKLAR
1. Yuqoridagi rasmlarda «Hazrati Imom» maj-
muasi va Shohi Zinda tarixiy obidasi aks et-
tirilgan. Bu obidalar haqida nimalarni bilasiz?
2. Siz tarixiy obidalar va yodgorliklarni ziyorat 
qilganmisiz?
3. Shunday joylarda bo‘lganingizda qanday tuy-
g‘ularni his qilgansiz?
Mustaqillik yillarida ona-Vatanimiz tarixini o‘rganishga 
alohida e’tibor qaratildi. Chunki Birinchi Prezidentimiz 
Islom Karimov aytganlaridek: «O‘z tarixini bilmaydigan, 
kechagi kunini unutgan millatning kelajagi yo‘q». Is-
tiqlol sharofati bilan ko‘plab tari xiy obidalar, yodgorliklar 
tiklandi, buyuk ajdodlarimiz dafn etilgan joylar obodon-
lashtirildi.
Buyuk ajdodimiz Bahouddin Naqshband insonlar-
ni ezgulikka, halol mehnat qilishga va go‘zal axloqli 
bo‘lishga undagan. 1993-yilda yurtimizda alloma taval-
ludining 675 yilligi keng nishonlandi. Hozir bu zotning 
milliy uslubda qayta tiklangan maqbarasi ziyoratchilar 
bilan gavjum.

---

24
1998-yil Samarqandda Imom al-Buxoriy tavalludi ning 
1225 yilligi tantana qilindi. Xartang qishlog‘ida Imom 
al-Buxo riy yod gorlik majmuasi ochildi. Shu yili jahon 
ilm-fani taraqqiyotiga katta hissa qo‘shgan ajdodimiz 
Ahmad al-Farg‘oniy tavalludining 1200 yilligi ham keng 
nishonlandi. Farg‘ona shahrida Ahmad al-Farg‘oniy no-
midagi istirohat bog‘i ochilib, Quva shahrida uning 
haykali o‘rnatildi.
Shuningdek, istiqlol yillarida jasur sarkarda Jalolid-
din Manguberdi tavalludining 800 yilligi, «Alpomish» 
dostonining 1000 yilligi nishonlandi. Xorazmda Jalo-
liddin Manguberdi, Termizda esa Alpomish haykallari 
ochildi. 2000-yilda islom huquqshunosi Imom Burhonid-
din Marg‘inoniy tavalludining 910 yilligi nishonlandi. 
Marg‘ilonda yodgorlik majmuasi bun yod etilib, alloma-
ning ramziy maqbarasi o‘rnatildi.
Urganchda 2001-yilda «Avesto» kitobining 2700 yilligi-
ga ba g‘ishlangan tantanalar bo‘lib o‘tdi. Yubiley munosa-
bati bilan u yerda «Avesto» nomidagi yodgorlik majmuyi 
qad rostladi.
Tiklangan yodgorliklar, tarixiy obidalar ota-bobolarimiz 
ruhiga hurmat-ehtirom ramzidir. Milliy ma’naviyatimizning 
yuksalishiga bebaho hissa qo‘shgan ajdodlarimiz bilan 
har qancha faxrlansak arziydi.