Маданият ва санъат соҳасининг жамият ҳаётидаги ўрни ва таъсирини янада ошириш чора-тадбирлари тўғрисида

1-масала


Ўзбекистон Республикаси Президентининг 2020 йил 26 майдаги “Маданият ва санъат соҳасининг жамият ҳаётидаги ўрни ва таъсирини янада ошириш чора-тадбирлари тўғрисида”ги
ПФ-6000-сон Фармонида белгиланган вазифалар ижросини муҳокама қилиб оламиз.

Маълумот учун: жами 137 та маданият муассасалари, жумладан, 4 та давлат театри, 32 та мусиқа ва санъат мактаблари, 1 та ихтисослаштирилган санъат мактаби, 1 та кўзи ожизлар махсус кутубхонаси ва унинг 16 та филиали, 80 та маданият марказлари, 1 та “Ўзбекконцерт” давлат муассасаси вилоят бўлими, 1 та Ўзбекистон Давлат филармонияси вилоят бўлинмаси, 1 та вилоят Намунали мақом ансамбли фаолият юритиб келмоқда.

Ўзбекистон Республикаси Президентининг 2020 йил 26 майдаги

ПФ-6000-сон Фармонида ҳар йили шаҳар ва туман ҳокимлари томонидан тасдиқланадиган календар режа асосида давлат органлари ва бошқа ташкилотларнинг буюртмаларига асосан ҳақ эвазига оммавий-маданий ва концерт-томоша тадбирлар ўтказилиши белгиланган.
Ўтган 2022 йилда шаҳар ва туман маданият бўлимлари томонидан 5 124 та оммавий, маданий-маърифий ва бадиий тадбирлар, театрлашган концерт томошалари ўтказилган бўлиб, шундан атига 161 таси пуллик хизмат асосида ўтказилиб, маданият бўлимлари ҳисоб рақамига 1 млрд 35 млн сўм маблағ туширилган холос.
Ушбу кўрсаткич Жомбойда 1,1 млн.сўм, Тойлоқда 2,4 млн.сўм, Пайариқда 4,8 млн.сўмни ташкил этади. (1-жадвал)
Ваҳоланки, ушбу туман маданият бўлимлари 2022 йилда ҳар бири камида 300 дан ортиқ маданий-маърифий тадбирларни ўтказган.
Жомбой, Пайариқ, Булунғур, Пастдарғом, Самарқанд, Қушрабод ва Ургут туманларида маданият марказлари томонидан пуллик тўгараклар ташкил қилинмаган ва бир сўм ҳам туширилмаган.