2.4. Jismoniy tarbiyaning sog‘lomlashtirishga
qaratilganlik tamoyili
Yuqorida aytib o‘tilganlardan ko‘rinib turibdiki, inson sihat-
salomatligini mustahkamlash g‘oyasi jismoniy madaniyatning
butun tizimiga singib ketgandir. Inson sihat-salomatligi uchun
qayg‘urish hamisha hukumatimizning diqqat markazida bo‘ladi.
Jismoniy tarbiya – sog‘lomlashtirish yo‘nalishining tamo-
yillaridan quyidagi qoidalar kelib chiqadi:
Jismoniy tarbiya bilan shug‘ullanuvchilarning siyoat-
salomatligini mustahkamlash uchun davlat oldidagi
javobgarlik.
Shifokor va pedagog nazoratining majburiyligi hamda
birligi. Jismoniy mashqlar shunday vositaki, ular to‘g‘ri
qo‘llanilgan sharoitlardagina sog‘lomlashtiruvchi samara
beradi. Jismoniy mashqlarni noto‘g‘ri, no‘noqlik bilan qo‘llash
sihat-salomatlikka putur yetkazishi mumkin. Shu munosabat
bilan jismoniy mashqlar bilan shug‘ullanuvchilarning yoshi,
jinsi, biologik xususiyatlari va sihat-salomatligini hisobga olish
zarur.
Jismoniy tarbiya tizimida vrach nazorati kishi organizmida
ro‘y berayotgan o‘zgarishlarni qayd etish bilangina
chegaralanib qolmasligi kerak. Maxsus pedagogik kuzatishlar
bilan bir qatorda shifokor nazorati shunday obyektiv mezonki,
biz unga qarab jismoniy mashqlar bilan mashg‘ulot paytida
ana shu mashg‘ulotlarning ijobiy yoki salbiy ta’siri to‘g‘risida
hukm chiqarish, jismoniy tarbiya metodlarini o‘zgartirish va
takomillashtirishimiz mumkin.
Shifokor nazoratining ma’lumotlari jismoniy tarbiya
praktikasida o‘z ifodasini topib, jismoniy tarbiyani to‘xtovsiz
12
takomillashtirishga yordam berishi lozim. Shifokor o‘z ishini o‘z
xonasidagina emas, balki asosan gimnastika zalida, stadionda,
chang‘i stansiyasida, suzish basseynlarida amalga oshirishi
kerak. U o‘zining kuzatishlarini jismoniy mashq mashg‘ulotlari
jarayoni bilan bevosita bog‘lab o‘tkazishi lozim.
Jismoniy tarbiya tizimining sog‘lomlashtirish yo‘nalishi
tamoyili shifokor, pedagog bilan mashq qiluvchining hamisha
yaqindan ijodiy hamkorligini talab etadi.
Do'stlaringiz bilan baham: | 
