Maktab yoshidagi bolalar jismoniy tarbiyasi uslubiy

8.5. Darslarni kuzatish

Darsni  kuzatish  uchun  «o‘rtacha»  o‘quvchi  olinadi. 

Qo‘ng‘iroq jaranglashi bilan sekundomer ishlatiladi va darsning 

oxirigacha  to‘xtatilmaydi.  Kuzatuvchi  ishtirok  etuvchilarning 

barcha harakatlarini maxsus tayyorlangan bayonnomaga 

muntazam  yozib  boradi,  har  bir  asosiy  mashqlardan  keyin 

u o‘quvchining yurak tomir urishi o‘zgarishining natijasini 

bayonnomada qayd etib boradi.

Dars  boshlanishidan  5  daqiqa  oldin  o‘quvchining  puls  – 

yurak-tomir urishi aniqlanadi va me’yor deb hisoblanadi. Dars 

tugaganidan keyin oxirgi yurak-tomir urishi o‘lchanadi.

Bayonnomani  olib  boruvchi  dastlab  sekundomerning 

ko‘rsatmasini  yozadi,  so‘ngra  grafikka  muvofiq  navbatdagi 

harakatni qayd qilib boradi. 

Har  bir  harakatga  sarflangan  vaqt  sekundomerning 

navbatdagi  ko‘rsatkichi  keyingi  grafada  ro‘yxatga  olingan 

avvalgi ko‘rsatkichdan chiqarib tashlash yo‘li bilan aniqlanadi. 

Bayonnomada  shug‘ullanuvchilarning  barcha  harakatlari 

qayd  qilinadi,  o‘qituvchi  faoliyatining  samaradorligi  bilan 

bog‘liqlikda maqsadga muvofiq va maqsadsiz bo‘lishi mumkin. 

Masalan,  uzunlikka  sakrashlar  boshlanishidan  oldin  sakrash 

joyida tayyorgarlik o‘tkazilganligi bayonnomada qayd etilgan. 

Dam olishda, ishda barcha maqsadga nomuvofiq sarflangan 

vaqt  mashq  belgisi  bilan  grafada  harakatlantirshning  borishi 

bo‘yicha  yoziladi.  Darsning  vaqti  tugaganidan  so‘ng  barcha 

zaxiralar  vertikal  bo‘yicha  jamlanadi  va  darsning  zichligini 

aniqlash uchun xizmat qiladi.