Maktabdan tashqari ta’lim

MAKTABDAN TASHQARI TA’LIM

REJA:

• Ta’lim va uning turlari
• Maktabdan tashqari ta’lim va uni rivojlantirish
• Maktabdan tashqari ta’limning funksiyalari va vazifalari
• Matabdan tashqari ta’lim ahamiyati

Ta’lim tizimi davlat ta’lim standartlarini, davlat ta’lim talablarini, o‘quv rejalari va o‘quv dasturlarini; davlat ta’lim standartlarini, davlat ta’lim talablari va o‘quv dasturlarini amalga oshiruvchi ta’lim tashkilotlarini,ta’lim sifatini baholashni amalga oshiruvchi tashkilotlarni; ta’lim tizimining faoliyat ko‘rsatishi va rivojlanishini ta’minlash uchun zarur bo‘lgan tadqiqot ishlarini bajaruvchi ilmiy-pedagogik muassasalarni; ta’lim sohasidagi davlat boshqaruvi organlarini, shuningdek ularning tasarrufidagi tashkilotlarni o‘z ichigaoladi. Ta’lim tizimi yagona va uzluksizdir.

Ta’lim turlari: Ta’lim turlari quyidagilardan iborat: .maktabgacha ta’lim va tarbiya; .umumiy o‘rta va o‘rta maxsus ta’lim; .professional ta’lim; .oliy ta’lim; .oliy ta’limdan keyingi ta’lim; .kadrlarni qayta tayyorlash va ularning malakasini oshirish; maktabdan tashqari ta’lim.

MAKTABDAN TASHQARI TA’LIM

Maktabdan tashqari taʼlim muassasalari - bolalar va oʻsmirlar bilan maktabdan tashqari ish olib boruvchi ijtimoiy tashkiliy va instruktiv-metolik muassasalar. Maktab bilan yaqindan bog`lanib ish yuritadi. Maktabdan tashqari taʼlim muassasalari ta’lim muassasalariga bolalar, oʻsmirlar ijoliyoti saroylari, uylari, klublari va markazlari, bolalar-oʻsmirlar sport maktablari, sanʼat maktablari, musiqa maktablari, studiyalar, kutubxonalar, soglomlashtirish muassasalari va boshqa muassasalar kiradi.

Ular yil boʻyi ishlaydi. Bolalar va oʻsmirlarning yakka tartiblagi ehtiyojlarini qondirish, ularning boʻsh vaqti va dam olishini tashkil etish uchun davlat organlari. jamoat birlashmalari. shuningdek, boshqa yuridik va jismoniy shaxslar madaniy-estetik, ilmiy, texnikaviy, sport va boshqa yoʻnalishlarda Maktabdan tashqari taʼlim muassasalari tizimini tashkil etishlari mumkin.