“maktabgacha ta’lim tashkilotlarida ta’limiy faoliyat” MAVZUSIDAGI KURS ISHI maktabgacha ta’lim tashkilotlarida ta’limiy faoliyat

Ta’lim jarayonida tarbiyalanuvchilarni tarbiyalashning asosiy maqsad-vazifalari va yo‘nalishlari

• Ta’lim jarayonida tarbiyalanuvchilarni tarbiyalashning asosiy maqsad-vazifalari va yo‘nalishlari
• Ta’lim-tarbiya tizimini takomillashtirish tadbirlari – bu ta’lim tizimini demokratik va insonparvarlik yo‘nalishlarida qayta qurish bilan bog‘liq. Chunki, insonparvarlik g‘oyalari va tamoyillari milliy g‘oya bilan chambarchas bog‘liq bo‘lib, insonning moddiy va ma’naviy farovonligini, erkin, mustaqil, ijodiy faoliyatini, kishilarning o‘zaro hamkorligi, do‘stligi, hamjihatligi, birdamligi va bir-biriga g‘amxo‘rligi kabi eng yuksak, ilg‘or insoniy fazilatlarni o‘zida mujassam etadi. Odillik, halollik, poklik, to‘g‘rilik, mehnatsevarlik, vatanparvarlik, baynalmilalchilik, odoblilik, vijdonlilik, iymon-e’tiqodlilik, mehmondo‘stlik, kamtarlik, or-nomusni, sharm-hayo va iffatni e’zozlash, tinchliksevarlik, olijanoblik, el-yurt manfaatini o‘z manfaatidan ustun qo‘yish kabi yuksak insoniy fazilatlar ham insonparvarlikning namoyon bo‘lishidir. Biz tanlagan ushbu mavzu mazkur masala bo‘yicha ilgari surilgan fikr-mulohazalarni va tavsiyalarni ta’lim-tarbiya tizimiga joriy etish, ijtimoiy-gumanitar fanlar mazmuniga kiritish yo‘l-yo‘riqlarini o‘zida ifoda etadi.

Zamonaviy yondoshuvlar va ularning o‘ziga xosliklarini ta’lim-tarbiya jarayoniga tatbiq etish.
Vatanimizning kelajagi bo‘lgan farzandlarimizni odobli va olijanob qilib tarbiyalash davr talabi. SHu bois barkamol inson haqida, uning mexnati, turmushi, namunaviy kamoloti xususida g‘amxo‘rlik qilish asosiy maqsad bo‘lib qolmoqda. Milliy tarbiya, eng avvalo, ta’lim oluvchi ruxiyati bilan bog‘liq ichki kechinmalarni xis etish, o‘qitishni tabaqalashtirish, milliy rux bilan sug‘orilgan o‘quv-tarbiya dasturlarini yaratish, tarbiyaviy-tashkiliy tadbirlarning asosini tashkil etadi.
Dunyo madaniyati xazinasidan o‘rin olgan allomalarimizning odob-axloq haqidagi fikrlari, pandu-nasixatlaridan ta’lim-tarbiya tadbirlarida foydalansak, ko‘zlagan maqsadga erishamiz. Yaxshi tarbiya insonning bebaxo ma’naviy boyligidir. Bu bilan yosh avlodni tarbiyaviy ishlar uyg‘un tashkil qilingandagina ta’minlash mumkin. Ma’lumki, insonning barkamolligi tashki ko‘rinishiga qarab emas, balki ko‘proq uning ma’naviy dunyosiga qarab belgilanadi. Jamiyatning ravnaqi va kelajagi ana shu jamiyatda yashovchilarning ham ma’naviy, ham moddiy kamolotiga bog‘liq. Ma’naviy qashshoq shaxslar bilan kelajagi porloq jamiyat qurib bo‘lmasligi xayot xaqiqati ekanligi ma’lum. Shunday ekan, butun kuch-g‘ayratimizni, qalb qo‘rimizni ta’lim-tarbiya ishiga sarflamog‘imiz zarur. Demak, kelajagimiz, orzu-umidlarimiz, ishonchimiz, butun borligimiz tarbiyaga, tarbiyachi-murabbiy olib borayotgan ishning samaradorligiga, tarbiyaviy soatlarning hamda darsdan tashqari tarbiyaviy tadbirlarning nechog‘lik mahorat bilan tashkil eta bilishiga bog‘liq.