Ma’lumot-axborot hujjatlari

1. Menga tegishli bo‘lgan mol-mulkimdan Bekobod shahar Guliston ko‘chasidagi 24-raqamli hovli-joyimni o‘g‘lim Mirzaali Mirzakarimovich Hamidovga, Toshkent viloyat DAN Bekobod tumani ro‘yxatlash va imtihon olish bo‘limida 1998 yilning 17 aprelidan ro‘yxatda turuvchi VE seriyali 943934 raqamli texnik pasport bo‘yicha menga tegishli NEXIA rusumdagi oq rangli, davlat raqamli belgisi 01A917GA bo‘lgan avtomashinamni o‘g‘lim Mirzavali Mirzakarimovich Hamidovga vasiyat qilib qoldiraman.

2. Menga O‘zbekiston Respublikasi Fuqarolik kodeksidagi 1142-moddaning mazmuni, ya’ni merosdan majburiy ulush olish huquqiga ega bo‘lgan merosxo‘rlar haqida notarius tomonidan tushuntirish beriladi.

Ushbu vasiyatnoma ikki nusxada tuzildi va imzolandi: ularning bir nusxasi saqlash uchun Bekobod shahar davlat notarial idorasida qoldirildi, ikkinchisi esa vasiyat qiluvchi Mirzakarim Mirzarahimovich Hamidovga berildi.

(Imzo) M.M.Hamidov

( Notariusning tasdiqlovchi yozuvi )

Notarial tasdiqlangan vasiyatnomalarga tenglashtirilgan vasiyatnomalar

• kasalxonalar, boshqa statsionar davolash muassasalarida davolanayotgan yoki qariyalar va nogironlar uylarida yashab turgan fuqarolarning ana shu kasalxonalar, boshqa davolash muassasalarining bosh vrachlari, ularning o‘rinbosarlari yoki navbatchi vrachlari, qariyalar va nogironlar uylarining direktorlari yoki bosh vrachlari tomonidan tasdiqlangan vasiyatnomalari;
• fuqarolarning O‘zbekiston Respublikasi bayrog‘i ostidagi kemalarda suzib yurgan vaqtida ana shu kemalarning kapitanlari tomonidan tasdiqlangan vasiyatnomalari;
• qidiruv ekspeditsiyalari va shu kabi boshqa ekspeditsiyalardagi fuqarolarning ana shu ekspeditsiyalar boshliqlari tomonidan tasdiqlangan vasiyatnomalari;
• ozodlikdan mahrum etish joylarida yoki qamoqda saqlanayotgan shaxslarning tegishli muassasalar boshliqlari tomonidan tasdiqlangan vasiyatnomalari;
• notarius bo‘lmagan aholi maskanlarida yashayotgan shaxslarning qonunga muvofiq notarial harakatlarni amalga oshirish huquqiga ega bo‘lgan mansabdor shaxslar tomonidan tasdiqlangan vasiyatnomalari.