Marketingda kommunikasiyani rejalashtirish

Bozorni bilish (isteʼmolchilarni har tomonlama oʻrganish, ularning did va istaklarini bilish), bozorga moslashish, bozorga taʼsir oʻtkazish marketingning asosiy tamoyillaridir. Shuningdek, marketingni qoʻllash bilan bogʻliq masalalarni kompleks ravishda oʻrganish; mahsulot assortimentini rejalashtirish; talabni va savdoga ragʻbat beradigan tadbirlarni shakllantirish; savdo va taqsimot; boshqarish va nazorat qilish marketing faoliyatining mazmunini belgilaydi. Mutaxassislar marketingning 9 ta asosiy vazifasini koʻrsatib oʻtadilar: rejalashtirish va mahsulotni yaratish; mahsulotning navi va standartlarini belgilash; mahsulot haridi va uni guruhlashtirish; sotish; omborga joylash; transport xizmati; marketing faoliyatini moliyalash; xatarlar va bozorga oid axborotlar toʻplash.

Oʻzbekistonda 1980-yillardan boshlab iqtisodiyot oʻquv yurtlarida marketing kurslari oʻqitila boshlandi. Shu yillari marketing masalalari bilan S.Salimov, S. Fylomov, A. Bekmurodov, J. Jalolov, marketing Qosimova, D. Muhitdinov, marketing Nasreddinova, X. Raimov kabi olimlar ilmiy-tadqiqot ishlari olib borishgan. 1986-yilda „SovplastItal“ qoʻshma korxonasida birinchi boʻlib marketing boʻlimi tuzildi. Keyinchalik, „Toshkent toʻqimachilik mashinasozlik zavodi“ aksiyadorlik jamiyati, „V. P. Chkalov nomidagi Toshkent aviatsiya ishlab chiqarish birlashmasi“ davlat-aksiyadorlik birlashmasi, „Toshkent qishloq xoʻjaligi mashinasozligi“ aksiyadorlik jamiyati kabi korxonalarda ham marketing boʻlimlari ochildi.

2.Kommunikasiya tushunchasining mohiyati

• Kishilik jamiyati rivojlanishining dastlabki davrlaridayoq, insonlar kommunikatsiya va aloqaning turli vositalaridan foydalangan. Kommunikatsiyani shakllantirish va uning qo‘llanilish sohasini kengaytirish uchun uzoq davr, masofa, ixtiro va kashfiyotlar zarur bo‘lgan. Kommunikatsiyaning eng dastlabki vositalaridan biri shubhasiz otlar bo‘lgan. Choparlar ular yordamida uzoq masofalarni bosib o‘tishgan va ko‘plab odamlar bilan aloqa o‘rnatgan. G‘ildirak va aravaning ixtiro qilinishi esa kommunikatsiya ishtirokchilari sonining ortishini rag‘batlantirdi. Kommunikatsiya vositalarini takomillashtirishga qaratilgan faoliyat bugungi kundagi barcha transport vositalari, uchuvchi apparatlar, kommunikatsiya vositalar va kosmik tizimlarning yaratilishga olib keldi. Shuningdek, kommunikatsiyaning shiddat bilan rivojlanishiga tovar ayriboshlash munosabatlarining rivojlanishi ham sezilarli turtki bergan.