Маъруза №1: Кириш. Автомобил йўлларидаги сунъий иншоотлар турлари

I-III категорияли автомобиль йўлларидаги шахар ва автомобил йўллари кўприклари ва йўлўтказгичлари, шунингдек темир йўл кўприклари «7 чи кўприк қуриш» трести корхоналари томонидан қурилади

1 2 3 4 5

Bog'liq
1 Маъруза №1 ЕМАЭ 1 2 3 призинтация

I-III категорияли автомобиль йўлларидаги шахар ва автомобил йўллари кўприклари ва йўлўтказгичлари, шунингдек темир йўл кўприклари «7 чи кўприк қуриш» трести корхоналари томонидан қурилади.
Кичик ва ўрта кўприклар ва сув ўтказиш қувирларини қуриш бўйича катта хажмдаги ишлар «Ўзавтойўл» концерни корхоналари томонидан бажарилади.
Кўприк ва йўлўтказгичлардан фойдаланиш ва таъмирлаш «Ўзбекистон темир йўллари» ва «Ўзавтойўл» концерни корхоналарига зиммасига юклатилган.

Кўприк қуриш ишларини ташкил қилиш ва қуриш-монтаж ишларига бошчилик қилиш чизиқли ва тўрли календар графиклар ердамида бажарилади. Ушбу графикларда ишларнинг айрим турлари кетма-кетлиги, хажми ва вақти белгиланади. Графиклар бир неча турда бўлиши мумкин.
Графикда қурилиш монтаж ишларининг айрим турлари горизонтал чизиқлар билан вақт масштабида кўрсатилади. Юқори ташкилотлар томонидан тасдиқланган графиклар директив бўлиб, бажарилиши мажбурийдир.

Қурилиш даврида ишлаб чиқариш корхоналари томонидан шунингдек квартал учун, ойлик, хафтали ёки декада учун графиклар ишлаб чиқилиши мумкин. Бу графикларда ишлаб чиқаришнинг барча хусусиятлари хисобга олинади (махаллий шароитлар, даре оқими хусусиятлари ва бошқалар).
Генерал графиклардан ташқари ишчи графиклар хам ишлаб чиқилади. Ишчи графиклар кўприкнинг алохида элементлари ёки ишнинг бирон босқичи учун ишлаб чиқилади, мисол учун алоҳида таянчлар пойдеворини қуришга, таянч ва оралиқ курилма йиғма конструкцияларини йиғишга, харакат қисмини жихозлашга ва бошқалар.

Йирик кўприк кечувларини қисқа муддат ичида қуриш керак бўлган холларда қуришни ташкил қилиш тўрли графиклар асосида бажарилади. Тўрли графикларнинг асосий афзаликлари ушбулардан иборат:
1) қурилишнинг муддатига таъсир қилувчи асосий ишлар аниқ белгиланади;
2) орқада қолаётган ишларни аниқлаш, назорат қилиш ва керак бўлганда ёрдам бериш имконини беради;
3) бажариладиган ишларнинг технологик кетма-кетлиги яққол билинади;
4) графикни қайта ишламасдан унда ҳосил бўлган конкрет шароитларни кўрсатиш.

1 2 3 4 5