Маърузалар

8 – AMALIY MASHG‘ULOTNING TA’LIM TEXNOLOGIYASI MODULI
8-mavzu: Adabiyotshunoslikda germenevtika

Ushbu mavzuni PINBORD texnikasi usulida o‘rganish maqsadga muvofiq.

Pinbord – (inglizcha “yozuv taxtasiga mustahkamlash”) munozara usullari yoki o‘quv suhbatini amaliy usul bilan moslashdan iborat.
Ta’lim beruvchi:

1. 
   Taklif etilgan muammoni echishga o‘z nuqtai nazarini bayon qiladi.
   

Masalan: Germenevtika, butun va qism, germenvtik doira, tushunish, tushuntirish, talqin nazariyasi deganda nimani tushunasiz?
Badiiy matnni tushunish va tushuntirish borasida nimalarni bilasiz?
Germenevtikani yuzaga chiqarishda kimlarning xizmatlarini alohida ta’kidlash zarur?
Germenevtika – bu amaliyotdir singari konsepsual tushunchalar ta’lim oluvchilarni maqsadga yo‘naltiradi.
2. Ommaviy to‘g‘ri aqliy hujumni tashkillashtiradi. Bunda ta’lim oluvchilarning tushuncha va qarashlari quyidagi yo‘nalishlarda aks etishiga erishmoq lozim:
Germenevtikaning metodologik imkoniyatlari qanday?
Germenevtikani talqin nazariyasi sifatida tushuntiring.
“SHarq germenevtikasi” deganda nimani tushunasiz?
O‘zbek adabiyotshunoslarining germenevtikaga oid qanday tadqiqotlari bor?


Ta’lim oluvchilar:
1.“Men o‘ylashimcha...” rukni ostida mavzu haqidagi fikrlarini bayon etadilar.
2. Germenevtikaning a) ijobiy b) salbiy jihatlarini muhokama qiladilar.
3. Eng maqbul jihatlarni tanlaydilar va ularni qog‘ozga asosiy so‘zlar ko‘rinishida (2 so‘zdan ko‘p bo‘lmagan) yozadilar va yozuv taxtasiga biriktiradilar.
Guruh a’zolari (ta’lim beruvchi tomonidan belgilangan 2-3 talaba) yozuv taxtasiga chiqadilar va boshqalar bilan maslahatlashib:

• 
  aniq xato yoki qaytariluvchi g‘oyalarni saralaydilar;
  
• 
  munozarali o‘rinlarni aniqlaydilar;
  
• 
  g‘oyalarni tizimlashtiradilar (masalan, germenevtika haqidagi ijobiy, salbiy farqlar, boshqa metodlar afzalliklar va h.k. baholar);
  
• 
  muayyan fazilat va belgilar bo‘yicha hamma g‘oyalarni yozuv taxtasida guruhlaydilar (boshqa ishtirokchilar kartochka yoki varaqqa).