Masharipova barno erkin qizi

Press-konferensiyanıń barısı. Seminar professor-oqıtıwshınıń kirisiw sózi menen baslanadı. Ol press-konferensiya teması, maqset hám wazıypaların daǵazalaydı. Baslawshı hám “qánigeler” menen tanıstıradı. Tiykarǵı mashqalanı sheshiw boyınsha óz usınıs hám oy-pikirlerin bildiredi. Soń processti baqlap baradı. Baslawshı talqılanıp atırǵan mashqala hám reglamentti anıqlastıradı. “Qánigeler” 5-7 minut ishinde tema boyınsha óz pikirlerin aytadı. Tómendegi maǵlıwmattı aytadı: balalardı saxnalastırıw hám dóretiwshilik iskerlikke úyretiw pániniń tiykarǵı maqseti – mektepke shekemgi tálim shólkemlerinde balalar dóretiwshiligine basshılıq qılıw ushın ámeliy bilim hám kónlikpeler beriw.

Pánniń wazıypaları:

1. 
   Mektepke shekemgi tálim shólkemlerinde balalardıń dóretiwshilik aktivligi ushın sharayat jaratıw;
   
2. 
   Kórkem óner tarawına tiyisli qábiletlerin anıqlaw hám qáliplestiriw;
   
3. 
   Pedagogikalıq proceste, iskerlik oraylarında teatrlastırılǵan hám basqa iskerlik túrleriniń turaqlı baylanıslılıǵı ushın sharayat jaratıw;
   
4. 
   Balanı ruwxıy tárbiyalaw, átirap-álem menen tanıstırıw, emocional álemin bayıtıw, dóretiwshilikke itibar hám qızıǵıwshılıq oyatıw.
   
5. 
   Kommunikativ múnásibetlerdi rawajlandırıw, dosların esite alıw hám óz-ara pikirlerdi inabatqa alǵan halda islew, ilimiy tájriybelerin qáliplestiriw;
   
6. 
   Xalqımızdıń bay materiallıq-ruwxıy miyrasları haqqında túsinikke iye bolıw hám olardı qádirlewge úyretiw;
   
7. 
   Balalardı teatr mádeniyatına tartıw.
   

Jurnalist-studentler qánigelerge tómendegishe sorawlardı berdi:

• 
  Mektepke shekemgi bilimlendiriw shólkeminde saxnalastırıw iskerligine qanday talaplar qoyıladı?
  
• 
  Mektepke shekemgi bilimlendiriw shólkemi tárbiyashısı qanday wazıypalardı ámelge asıradı?
  
• 
  Teatr saxnası ushın qábiletli balalar qanday tańlap alınadı?
  
• 
  Egerde balalarda rol atqarıp turǵan waqıt yadı pánt berse, qanday jol tutıladı?
  
• 
  Balalardı saxnalastırıw iskerligine qosıwda nelerge itibar qaratıw kerek?
  
• 
  Ata-analardı qaysı proceste sheriklikte islewge qosıw kerek?
  
• 
  Mektepke shekemgi bilimlendiriw shólkeminde muzıka basshısınan qanday járdem alıw múmkin?
  
• 
  Saxnalastırıw iskerligin shólkemlestiriwde qanday mashqalalı jaǵdaylardı baqlaw múmkin?
  

Qánige-studentler oqıtıwshı menen birge sorawlarǵa juwap beredi.
Seminar juwmaǵında professor-oqıtıwshı ulıwma juwmaq shıǵaradı. Hár bir bayanatshınıń shıǵıwı analiz etildi. Studentler arasınan processti bahalaw boyınsha usınıslar soraldı.
Studentler iskerligin bahalawda tómendegi kriteriyalarǵa ámel etildi:
1. Mashqala sheshimin ǵárezsiz túrde izlew;
2. Logikalıq jaqtan tuwrı juwap beriw;
3. Maǵlıwmatlardı anıq hám tolıq bayanlaw;
4. Sorawlarǵa mazmun tárepten tuwrı juwap beriw;
5. Ulıwma juwmaq shıǵarıw kónlikpesine iye ekenligi;
6. Mashqala sheshiminiń aktuallıǵın tiykarlaw;
7. Sóylew mádeniyatına ámel qılıw.
Bul seminar shınıǵıwı studentlerde ǵárezsizlik, maqsetti tuwrı baǵdarlaw hám analitikalıq oylawdı rawajlandıradı. Sabaq juwmaǵında eń aktiv studentler xoshametlendiriledi.
Dúnya kóleminde zamanagóy tálimde cifrlı kónlikpeler arasında informacion-kommunikacion texnologiyalardan paydalanıw kompetensiyası, media informaciya sawatxanlıǵı jetekshilik qılıp atır. Bolajaq tárbiyashı-pedagoglarda telefon arqalı informaciya uzatıwǵa qızıǵıwshılıq, cifrlı baylanıs quralları, programmalıq qosımshalar, social tarmaqlardan paydalanıw múmkinshilikleri bar. Sol sebepli 1-basqısh studentleri menen ámeliyatqa cifrlı jantasıwǵa tiykarlanǵan “Mobil” texnologiyası qollanıldı.