Masharipova barno erkin qizi

Magistrlıq dissertaciya jumısınıń wazıypaları:
1.Bolajaq tárbiyashı-pedagoglar kásiplik motivaciyasın qáliplestiriwdiń pedagogikalıq -psixologiyalıq múmkinshiliklerin anıqlastırıw;
2.Bolajaq tárbiyashı-pedagoglarda kásiplik motivaciyanı qáliplestiriwde shaxsqa jóneltirilgen tálim texnologiyalarınan paydalanıwdıń didaktikalıq múmkinshiliklerin ashıp beriwge qaratılǵan usınıslar islep shıǵıw;
3.Bolajaq tárbiyashı-pedagoglar kásiplik motivaciyası modelin jetilistiriw;
4.Bolajaq tárbiyashı-pedagoglar kásiplik motivaciyasın qáliplestiriw texnologiyasınıń programmalıq hám didaktikalıq támiynatın jetilistiriw.
Magistrlıq dissertaciya jumısınıń obyekti - pedagogikalıq joqarı tálim shólkemleri mektepke shekemgi tálim baǵdarı studentleriniń kásiplik motivaciyasın jetilistiriw procesi etip belgilendi.
Magistrlıq dissertaciya jumısınıń predmeti - bolajaq tárbiyashı-pedagoglar kásiplik motivaciyasın jetilistiriwdiń mazmun, forma, metod, quralları hám texnologiyaları esaplanadı.
Magistrlıq dissertaciya jumısınıń metodı:
Teoriyalıq (retrospektiv analiz, analitikalıq-statistikalıq,) diagnostikalıq (sáwbet, baqlaw, sorawnama, test, klassifikaciyalaw ), prognostikalıq (ǵárezsiz bahalardı ulıwmalastırıw, ekspert bahalaw ), matematikalıq hám pedagogikalıq eksperiment (maǵlıwmatlardı matematikalıq-statistikalıq analiz qılıw, nátiyjelerdi grafik súwretlew) metodları tiykarında qayta islew.
Magistrlıq dissertaciya jumısınıń ilimiy jańalıǵı:
- Bolajaq tárbiyashı-pedagoglar kásiplik motivaciyasın qáliplestiriwdiń pedagogikalıq zárúrligi hám qásiyetleri kásiplik kompetentlikke ústin turatuǵınlıq beriw, tálim texnologiyaların mektepke shekemgi tálim oqıw procesi mazmunına sistemalı sińiriw tiykarında anıqlastırıladı;
- Mektepke shekemgi tálim baǵdarı studentleri kásiplik motivaciyasın qáliplestiriwde balaǵa jóneltirilgen tálim texnologiyaların qollawdıń didaktikalıq múmkinshilikleri shınıǵıwlar integraciyasın algoritmik proektlestiriw hám tálimge differencial jantasıwdıń individual, frontal hám jámáátlik formalarınan transcendental paydalanıw tiykarında ashıp beriledi;
- Bolajaq tárbiyashı-pedagoglar kásiplik motivaciyasın qáliplestiriw modeli dóretiwshilik hám maqsetli iskerlik, social baylanıslar, mútajlik, qálew sıyaqlı motivaciya kategoriyaları menen kásiplik motivaciyanı qáliplestiriwdiń didaktikalıq sisteması ortasındaǵı dialektikalıq baylanıslılıqtı támiyinlew bilimlendiriwge tiyisli processler izbe-izligi (algoritmi) tiykarında rawajlandırıladı;
- Bolajaq tárbiyashı-pedagoglar kásiplik motivaciyasın qáliplestiriw texnologiyasınıń programmalıq hám didaktikalıq támiynatı variativlikke tiykarlanǵan oqıw procesin kompleks proektlestiriw hám tárbiyashı-pedagog kognitiv iskerligine salıstırǵanda tálim standartları, ilimiy tájiriybe talaplarınan ibarat social buyırtpanı inabatqa alǵan halda rawajlandırıladı.