Masharipova barno erkin qizi

1. Ǵárezsizlik principi. Bunda studentler ózin kórsetiwi hám de oqıw iskerligin ǵárezsiz shólkemlestiriwge sharayat jaratıladı. Oqıw iskerligin mazmunlı ámelge asırıw hám tapsırmalardı belgilewde studentlerdiń usınısları, ǵárezsiz pikirlewleri inabatqa alınadı. Sabaqta erisilgen nátiyje hám tabıslar oqıtıwshı hám de studentler menen sheriklikte analiz etiledi.
2. Rawajlandırıwshı princip. Bunda oqıw procesin úzliksiz ózgertip turıw talap etiledi. Shınıǵıwdı kirisiw bóleginen baslap juwmaǵına shekem studentlerdiń qálew tilekleri qandırıladı. Studentler temaǵa tiyisli mashqalalardı ǵárezsiz túrde sheshiwi hám processke óz múnásibetlerin bildiriwi ushın pedagogikalıq sharayat jaratıladı. Principtiń mánisi sonda, oqıw tapsırmaları bólimlerge bólinip, bárshege bólistiriledi, sherikliktegi iskerlikten, social háreket hám de ǵárezsiz túrde ishki háreketke ótiw ámelge asırıladı.
3. Sheriklik principi. Bunda pedagogikalıq proceste oqıtıwshı hám studentlerde baslamashılıq, dóretiwshilikti payda ettiriw názerde tutıladı. Sonıń menen birge, bilim, kónlikpe hám ilimiy tájriybe, kompetensiyaların jetilistiriw, óz-ara birgeliktegi bilimlendiriwge tiyisli háreketler ámelge asırıladı, sheriklik strategiyası rawajlandırıp barıladı.
4. Rol atqarıw principi. Bunda oqıtıwshı hám studentler belgilengen tapsırma, wazıypalardı atqaradı. Tapsırmalar mámleket, jámiyet, tálimdi basqarıwshı shólkemlerdiń social talaplarına tiykarlanıp beriledi. Oqıtıwshı studentler iskerliginiń shólkemlestiriwshisi hám baslıq rolin atqaradı. Studentler, óz gezeginde, oqıtıwshı bergen tapsırmalardı dóretiwshilik tárepten de atqaradı.
5. Juwapkershilikti seziw principi. Bunda barlıq studentlerden oqıw processinde tek ǵana olarǵa qoyılǵan minnetleme, bálki óz minez-qulqları, iskerlik nátiyjeleri, berilgen tapsırmalardıń orınlanıwı boyınsha esabat talap etiledi. Studentler kásiplik juwapkershilik sezimi hám de ózlestirgen bilim, kónlikpe hám ilimiy tájriybeleriniń qálipleskenligi haqqında maǵlıwmat beredi.