Masharipova barno erkin qizi

birinshiden, oqıw procesiniń barlıq basqıshlarında izbe-izlik hám

pedagogikalıq iskerlikti ámelge asırıw ;

• 
  ekinshiden, oqıtıwda kerekli qurallardan paydalana alıw qábileti (quwırshaqlar, personajlar, saxna dekoraciyalari);
  
• 
  úshinshiden, oqıw processinde jámáátlik sheriklik iskerliginen paydalanıw;
  
• 
  tórtinshiden, kásiplik minez-qulqlardı tuwrı ańlaǵan halda iskerlikti ámelge asırıw kónlikpelerin qáliplestiriw;
  
• 
  besinshiden, kásiplik óz-ózin analiz qılıw hám tárbiyalawǵa jóneltiriw;
  
• 
  altınshıdan, bolajaq pedagog retinde kásiplik kónlikpelerdi social tájiriybege tayanǵan halda rawajlandırıp barıw.
  

Kásiplik motivaciya kásipke baylanıslı barlıq minnetlemelerdi orınlaw hám seziwdi támiyinleydi, kásiplik iskerlikke tayarlaydı. Kásiplik motivaciya sırtqı faktorlar hám bolajaq tárbiyashılardı kásipke jóneltiriw tásirinde rawajlandırıp baradı. Motivaciya iskerlik hám de minez-qulıq penen belgilenedi, kásiplik óz-ózin ańlawı, óz iskerliginen kewli tolıw sezimin júzege keltiredi.
Joqarıda aytıp ótilgen pikir hám teoriyalar tiykarında bolajaq tárbiyashı-pedagoglarda kásiplik motivaciyanı qáliplestiriwde metodologiyalıq jantasıwlardı ámeliyatqa engiziw kerek, degen juwmaqqa keldik. Yaǵnıy bunda sistemalı, iskerlikli hám subyektiv-processke tán múnásibetler ámelge asırıladı. Bul jantasıwlardan paydalanıw izertlewdiń nátiyjeli keshiwine tiykar boladı. Sistemalı jantasıw nátiyjesinde izertlew jumısınıń mánisi anıqlanıp, onıń komponentleri anıqlandı. Iskerlikli jantasıw processinde studentler hám oqıtıwshılardıń ayrıqsha tárepleri, olardı dóretiwshilik óz-ara háreketke úndewshi usıl, forma hám qurallardı anıqlaw názerde tutıladı. Subyektiv jantasıw kásiplik motivaciyanı qáliplestiriwde student-oqıtıwshılardıń óz-ara tásir kórsetiw múnásibetlerin názerde tutadı.
Iskerlikli jantasıwda student-oqıtıwshılardıń dóretiwshilik sherikligi jolǵa qoyıladı. Studentlerge motivacion ortalıqtıń tásiri óz-ara hárekettiń subyekti esaplanadı. Studentlerde kásiplik iskerlik motivleri olarda kásiplik qádiriyat qaysı dárejede qálipleskenligi menen payda boladı. Usı proceste studentler kásiplik motivaciyasın qáliplestiriwde nátiyje beretuǵın metodlardı tuwrı tańlaw talap etiledi. Subyektiv processke tán múnásibetler maqsetke jóneltirilgen, úzliksiz hám basqarıw xarakterine iye boladı. Motivaciyanı qáliplestiriw basqıshları onı rawajlandırıw hám bekkemlewde tiykar esaplanadı. Oqıw shınıǵıwlarınan tısqarı waqıtlarda da kásiplik motivaciyanı qáliplestiriwge qaratılǵan tárbiyalıq-ruwxıy ilajlar zárúrli faktor esaplanadı.
Bolajaq tárbiyashı-pedagoglar kásiplik motivaciyasın qáliplestiriwde joqarı tálim sistemasında tómendegi talaplardı orınlaw zárúr.

• 
  Studentlerde teoriyalıq-kognitiv, yaǵnıy pánlerden ózlestirgen bilimlerin bekkemlew;
  
• 
  Oqıw iskerlikte pedagogikalıq-psixologiyalıq bilimlerge tayanıp, didaktikalıq processlerdi shólkemlestiriw kónlikpesin qáliplestiriw;
  
• 
  Balalar tárbiyasında zamanagóy texnologiyalardı qollay alıw ilimiy tájriybelerin qáliplestiriw maqsetke muwapıq.
  

Sonıń menen birge, studentler mektepke shekemgi tálimde oqıw-tárbiyalıq processti ámelge asırıwdı joybarlaw hám shólkemlestiriw kompetensiyası hám de oqıw materialların balalarǵa jetkere alıw ilimiy tájriybelerin iyelewi zárúr. Kásiplik motivaciya studentlerde gnostikalıq kónlikpelerdi qáliplestiredi hám de oqıw-tárbiyalıq processtiń barıwı hám nátiyjelerin analiz etiw kónlikpesin iyeleydi. Kásiplik motivaciyanıń qáliplesiwinde pedagogikalıq teoriyalar hám jeke tájiriybe zárúrli orın tutadı.