Машғулот №1

МАШҒУЛОТ №5


Мавзу: Беморлар транспортировкаси. Ҳар хил касалликларда беморларни транспортировкаси қоидалари. Кўкрак, эрта ва мактаб олдингидаврдан олдинги давр ёшидаги ва оғир болаларни транспортировка қилиш хусусиятлари. Ётоқ яраларни профилактикаси ва даволаш, и лечение пролежней, гигиеник ва даволовчи ванналарини ўтказиш техникаси. Катта ёшдаги бемор болаларни хожатга чиқишида ёрдамлашиш.

Қайси усулда беморни ташишни шифокор хал қилади. Беморни аҳволи оғир бўлмаса уни ҳамшира ёки санитарка бўлимга кузатиб боради. Оғир беморларни носилкада ёки махсус ғилдиракли носилкада ташилади. Агар булар бўлмаса бир киши кўтариб ёки суяб боради, бунда бемор олиб борувчини елкасидан ушлаб боради. Икки киши бўлганда эса биттаси оёғи ва думбасидан, иккинчиси эса орқаси ва бошидан кўтаради. Агар уч киши бўлса, бири оёғидан , иккинчиси бели ва қисман орқасидан, учинчиси эса орқаси ва бошидан кўтариб боради. Агар лифт бўлмаса, оғир беморларни носилкада кўтарилади, бунда беморни боши олди томонда бўлиб, оёқ турган қисми бироз кўтарилган холда бўлади. Оғир беморларни носилкада ўрнига, озор бермасдан эхтиётлик билан олиб ётқизилади. Бунда носилкани оёқ қисми каровотни бош қисмига қўйилади, агар жой тор бўлса носилка каровотга ёнма- ён қўйилиб, тиббиёт ходимлари замбил билан кароватни ўртасида бемор томонга қараб туришлари керак.

Тиббиёт ҳамширасининг иш жойи у хизмат кўрсатадиган палатага яқин жойда жойлашган бўлиши керак.Одатда у палаталар ўртасида коридорда жойлашган бўлади.Тиббиёт ҳамширасининг пости беморга тегишлича хизмат кўрсатиш учун зарур бўлган хамма нарсалар билан жиҳозланиши лозим.У ерда дорилар ва медицина асбоблари учун шкаф,касаллик тарихини сақлаш учун ғаладони бўлган стол, телефон ва столга қўйиладиган лампа бўлиши керак.
Шифокор кўрсатмаларини аниқ бажариш, беморларнинг куч – қувватини сақлаш ва тиклашга, тортаётган азобини енгиллаштиришга имкон берадиган барча тадбирларни ўтқазиш, барча органларнинг функциялари устидан кузатиб бориш, заифлашган организмни юз бериш эҳтимоли бўлган, асоратлардан ҳимоя қилиш, беморга сезгир ва меҳрибон бўлиш – хар бир тиббиёт ҳамширасининг вазифаси.

Ётоқ ярани даволаш ва профилактикаси.

Ётоқ яра тананинг маълум бир қисми доимий босим остида бўлиб, шу ерда қон айланишиннг бузилиши натижасида ривожланувчи терининг ярали некротик зарарланиши хисобланади.Оғир касалланган болалар бир жойда қимирламасдан ётганликлари сабабли ётоқ яра юзага келади. Бу яралар олдин терининг юза қисмида, кейин эса ичкарига тарқалади ва ярали- некротик жараён вужудга келади.
Пайдо бўлиш соҳалари: бўйин- энса соҳаси, думғаза, товон, кафт.
Профилактикаси:

-Кунига бир неча марта беморнинг холатини ўзгартиш .

-Беморнинг ўрин, чойшабини тозалигига эътибор бериш ва уни тузатиб туриш.
-Бемор кийимларининг тозалигига эътибор бериш ва уларни тўғрилаб туриш.
-Думғаза остига шиширилган резинали чамбарак қўйиш.
-Босилган жойларни ароқ ёки камфор спиртида , одекалон ёки уксус билан (300мл сувга 1ош қошиқ) артиш.
-Терининг гиперемиясида уни қуруқ сочиқ билан артиш.
Даволаш:

1.Тери мацерациясида совуқ сув ва совун билан ювилади, спирт билан артилади ва присипка сепилади.

2. Шарчалар хосил бўлса унда бриллиант яшилининг спиртли эритмаси билан артилиб қуруқ бойлам қўйилади.
3.Некроз бўлганда эса некроз соҳасини ювиб ташлаб, унга тозаланган (1%ли калий перманганат эритмасида) салфетка қўйилади ва салфетка кунига 3-4 марта алмаштирилади. Ярани нобуд бўлган хужайралардан тозалаш учун у ерга Вишневский ёки антибактериал мазлари билан боғлам қўйилади.Зарурат бўлганда хирургак йўл билан кесиб олиб ташланади.