Машғулот №1

Шифобахш ванналар.
Умумий ва махаллий бўлади. Ванналар кунора ва ҳар куни тайинланади. Шифобахш ванналар таркибига кепак, крахмал, ҳар хил ўтлардан тайёрланган дамламалар, горчицалар қўшилиши билан фарқ қилади. Ваннани тайёрлашдан олдин уни яхшилаб ювиб дезинфекциялаш керак. Шифобахш ванналарни куннинг исталган пайтида қабул килиш мумкин, лекин енгил нонуштадан 30-40 дақиқадан сўнг ёки тушликдан 2-3 соат ўтгандан сўнг қабул қилиш мақсадга муовофикдир.
Агар касал чарчаган бўлса ванна қабул қилмасдан ва қабул қилгандан кейин ярим соат дам олиш керак.
Умумий ванна қабул қилаётганда сув касалнинг кўкрак қафасини юқори қисмидан бошқа хамма ерини қоплаб туриши керак. Касал ваннада тинч, бемалол хамма мускуллари бўшашган холда ётиши керак. Айрим холларда ванна /масалан горчицали/ қабул қилаётган касалнинг бошига ва юраги устига совуқ /30-32С / компресс тайинланади.
Умумий иссик ванналар ўткир респиратор касалликларида қўлланилади. Болани 37 С температурали ваннага ётқизилади, сўнгра унинг оёк қисмига иссиқ сув қўйилиб, сув температурасини 39-40Сгача кўтарилади. Ваннанинг қабул қилиш вақти 2-5 дақиқа бўлиб, даволаш курси 4-6 марта бўлади. Бола танасини ваннадан сўнг қуруқ қилиб артиб адёлга ўраб, иссиқ чой ичирилади.
Крахмалли ванналар терини юмшатади ва уни қичишини камайтиради. Бу ваннани экссудатив диатезда қўлланилади. Картошка крахмалини (100 гр бир челак сувга) совуқ сувда эритиб, ваннада аралаштирилади. Ваннадаги сув ҳарорати 37-38 С бўлиб, 7-10 дақиқа давомида хар куни ёки кунора, бир курсга 10-12 та ванна тайинланади.
Содали ванналар / бир ош кошиқ сода бир челак сувга/ хам тери қичишини қолдиради
Калий перманганат билан қабул қилинган ванна эса дезинфекцияловчи таъсир қилганлиги учун уларни тери касалликларида ва бичилишда тайинланади. Ваннага калий пермаганатнинг 5% ли эритмаси, то сув оқиш қизғиш рангга киргунга қадар қўшилади. Ваннадаги сув харорати 36-37С бўлиб, 5-10 дақиқа давомида қабул қилинади. Бир курсга эса 6-8 та ванна тайинланади.