Машғулот вақти – 2 соат Талабалар сони

6-илова
Таълимнинг қонуниятларини ўзлаштиришга доир топшириқлар
1) таълимнинг умумий қонуниятларига доир топшириқлар.
1.1. Қуйидагилар орасидан таълим мақсадини белгиловчи қонуниятларни аниқланг.
1) жамиятнинг ривожланиш суръати ва даражаси; 2) ижтимоий ва илмий-техник
тараққиёт суръати; 3) ўрганилаётган материал хусусияти ва ҳажми; 4) жамиятнинг
талаблари ва имкониятлари; 5) ўқувчиларнинг ёши, таълим олиш имкониятлари;
6) педагогика фани ва амалиётининг ривожланганлиги ва имкониятлари
1.2. Қуйидаги қонуниятларни таълим жараёнининг қайси таркибий қисмига
тегишли деб ҳисоблайсиз?
1) аввалги босқич маҳсулдорлиги ва ҳозирги босқичда эришилган натижалар; 2)
ўрганилаётган материал хусусияти ва ҳажми; 3) ўқувчиларга ташкилий-педагогик таъсир
кўрсатиш; 4) ўқувчиларнинг билим олишга қобилиятлари ва таълим вақти.
1.3. Таълим методлари самарадорлиги қуйидаги қайси қонуниятларни ҳисобга
олиш билан боғлиқ?
1) таълим тизимида қайта алоқаларнинг интенсивлиги ва коррекцияга;
2) таълимнинг ички рағбатларига; 3) таълим мақсадига; 4) ўқувчиларнинг ёши, таълим
олиш имкониятларига; 5) таълим муассасасининг моддий-техник таъминотига.
1.4. Қуйидаги қонуниятларидан қайсилари таълим сифатини таъминлашга хизмат
қилади?
1) ўрганилаётган материал хусусияти ва ҳажми; 2) таълим назарияси ва
амалиётининг ривожланиш даражаси; 3) таълимнинг ижтимоий эҳтиёжлари ва
мақсадлари; 4) аввалги босқич маҳсулдорлиги ва ҳозирги босқичда эришилган натижалар.
1.5. Таълим мазмунини белгилашда қайси қонунуниятларга амал қилиш лозим?
1) таълимнинг ижтимоий эҳтиёжлари ва мақсадлари; 2) ўрганилаётган материал
хусусияти ва ҳажми; 3) ижтимоий ва илмий-техник тараққиёт суръати; 4) ўқувчиларнинг
ёши имкониятлари; 4) таълим тизимида қайта алоқаларнинг интенсивлиги ва коррекция;
5) таълим назарияси ва амалиётининг ривожланиш даражаси.