Masofali ta’limda o‘quvchilarning dasturlashga oid kompetensiyasini takomillashtirish

1.2.Masofaviy ta’lim resurslarini ishlab chiqish asoslari.
Masofaviy ta’lim – o‘quvchilar tomonidan o‘quv materiallarini masofadan turib o‘rganish, bilimlarini sinab ko‘rish va o‘qituvchilar bilan muloqot qilish uchun Internet va zamonaviy texnologiyalardan foydalanishni nazarda tutuvchi ta’lim shaklidir.
Masofaviy ta’lim texnologiyalari. Masofaviy ta’lim texnologiyalari ta’lim jarayonini soddalashtirish va uning sifatini oshirishga qaratilgan. Ular yordamida repetitorlar o‘quvchilarga kerakli ma’lumotlarni yetkazadilar, bilimlarini tekshiradilar, fikr-mulohazalarini to‘playdilar, savollarga javob beradilar, fotosuratlar, video va audio materiallar bilan almashadilar. Asboblarni tanlash ko‘pincha ta’lim jarayonining barcha ishtirokchilarining maqsadlari, imkoniyatlari, qiziqishlari va afzalliklariga bog‘liq. An’anaviy ravishda masofaviy ta’lim texnologiyalarining quyidagi guruhlarini ajratish mumkin.
LMS (ta’limni boshqarish tizimlari). Bu o‘quv kurslarini yaratish va boshqarish imkonini beruvchi server va bulutli platformalardir. LMS nafaqat talabalarni o‘qitish, balki ular bilan muloqot qilish, o‘quv jarayonini kuzatish va sertifikatlar berishga yordam beradi. Bulutli tizimlar ayniqsa mashhur, chunki ular o‘rnatishni talab qilmaydi va ulardan foydalanish oson. Masofaviy kurslarni yaratish uchun bunday LMSga SendPulse kompaniyasining EDU platformasi misol bo‘la oladi.

II - bobda qilingan ishlar II-BOB. MASOFALI TA’LIMDA O‘QUVCHILARNING DASTURLASHGA OID KOMPETENSIYASINI TAKOMILLASHTIRISH. 2.1. Umumiy o‘rta ta’limda o‘quvchilarning dasturlashga oid kompetensiyalar BMIning mazkur bobida umumiy o‘rta ta’limda dasturlashga oid kompetensiyalarni takomillashtirish maqsadida dasturlashga doir talab etiladigan bilim, ko‘nikma va malakalarni Davlat ta’lim standarlarida qanday tartibda berilganini tahlil qilamiz. Umumiy o‘rta va o‘rta maxsus, kasb-hunar ta’limi muassasalarida informatika va axborot texnologiyalari ta’limining asosiy vazifalari: o‘quvchilarga axborot-kommunikatsiya texnologiyalari va ularni amaliyotda qo‘llash haqida bilimlar berish; kompyuterda masalalar yechish texnologiyalari va asosiy bosqichlarini ketma-ketlikda to‘g‘ri bajara olish; algoritmik tuzilmalarni, algoritmlash va dasturlash asoslari haqida bilim berish; kompyuterning dasturiy ta’minoti va ularning imkoniyatlarini ajrata bilish hamda amaliyotda qulay olishga o‘rgatish; o‘quvchilarni aqliy rivojlantirish, ularning ilmiy dunyoqarashini kengaytirish, mantiqiy fikrlash qobiliyatini shakllantirish; axborot-kommunikatsiya texnologiyalaridan foydalanish madaniyatini o‘rgatib borish orqali ularda umuminsoniy qadriyatlarga rioya etishni rivojlantirishga qaratilgan va ta’lim­tarbiya olishning keyingi bosqichlarida davom ettirishlari uchun zarur bo‘lgan tayanch kompetensiyalarni shakllantirish.