Masofali ta’limda o‘quvchilarning dasturlashga oid kompetensiyasini takomillashtirish

Dunyo ta’lim bozorini nufuzli muassasalari o‘zlarining elektron ta’lim tizimlari va tayyorlanadigan kadrlari orqali to‘ldirib borishmoqda hamda yon qo‘shni davlatlarda infratuzilma maksimal darajada mavjud bo‘lmasada masofaviy ta’lim xizmatini ko‘rsatish jarayonini allaqachon yo‘lga qo‘yib bo‘lishgan. O‘zbekiston misolida bu masalani o‘rganadigan bo‘lsak elektron ta’lim xizmatlari 2020-2021 o‘quv yilidan boshlab joriy etilishni sinov tariqasida boshladi. Bu qaysidir ma’noda pandemiya sababli ixtiyoriy-majburiy ma’noli tushuncha asosida yo‘lga qo‘yildi va oldindan tayyorgarlik bois oliy ta’limda unchalik qiyinchilik sezilmadi.

Axborot kommunikatsion texnologiyalarning(AKT) rivojlanishi natijasida ta’limning yangicha shakllari(masofaviy, mobil) vujudga keldi va bu kabi ta’lim shakllari jamiyatda qisqa fursatda ommalashdi. Ta’lim tizimi rivojlangan davlatlarda masofaviy ta’lim shakli garchi yagona konseptsiyaga ega bo‘lmasada allaqachon amaliyotda qo‘llanilmoqda[26; 75-b].

Respublikamizning ta’lim to‘g‘risidagi qonunda ham o‘quv rejalari va o‘quv dasturlarini joriy etish jarayonida zamonaviy pedagogik texnologiyalar, o‘qitishning innovatsion shakllari va usullari, AKT qo‘llanilanilishi (35-modda), masofaviy ta’lim o‘quv rejalari va o‘quv dasturlariga muvofiq ta’lim oluvchilar tomonidan zarur bilim, malaka va ko‘nikmalarni AKTdan hamda internet jahon axborot tarmog‘idan foydalangan holda masofadan turib ta’lim olishga (Masofaviy ta’limni tashkil etish tartibi O‘zbekiston Respublikasi Vazirlar Mahkamasi tomonidan belgilanadi (16-modda)), pedagog xodimlarning majburiyatlariga esa AKTdan, o‘qitish va tarbiyaning ilg‘or hamda innovatsion shakllari va usullaridan foydalanishi (46-modda) belgilab o‘tilgan [1].

Ishning tarkibiy qismi

KIRISH
I-BOB. MASOFALI TA’LIM ILMIY TADQIQOT OBYEKTI SIFATIDA
1.1. Masofali ta’lim haqidagi tadqiqotlar sharhi.
1.2. Masofaviy ta’lim resurslarini ishlab chiqish asoslari.
II-BOB. MASOFALI TA’LIMDA O‘QUVCHILARNING DASTURLASHGA OID KOMPETENSIYASINI TAKOMILLASHTIRISH.
2.1. Umumiy o‘rta ta’limda o‘quvchilarning dasturlashga oid kompetensiyalar
2.2. Masofali talimni tashkil etishda zamonaviy dasturiy vositalar.
2.3. Masofali talim asosida dasturlash tillarini o‘qitish metodikasini takomillashtirish.