Мавзу: акциз солиғИ

Имтиёзларни давоми

• 8. Ўзбекистон Республикаси Президентининг 2.01.2007 йилдаги ПҚ-551-сон қарорининг 7-бандига асосан "Мактаб таълимини ривожлантириш" лойиҳаси доирасида импорт бўйича олиб келинадиган товарлар "Мактаб таълимини ривожлантириш" лойиҳаси амалга ошириладиган даврда ушбу имтиёз амал қилади ва акциз солиғи тўлашдан озод этилади;
• 9. Ўзбекистон Республикаси Президентининг 12.01.2007 йилдаги ПҚ-564-сон қарорининг 9-бандига асосан И.М.Губкин номидаги Россия давлат нефть ва газ университетининг филиалини жиҳозлаш ва унинг фаолият кўрсатиши учун олиб келинадиган ускуналар, адабиёт, мультимедия маҳсулотлари, инвентарь ва моддий-техника ресурслари 12.01.2007 йилдан 12.01.2012 йилга қадар акциз солиғи тўлашдан озод этилади;
• 10. Ўзбекистон Республикаси Президентининг 17.01.2007 йилдаги ПҚ-568-сон қарорининг 8-бандига асосан:
• А) Давлат геология қўмитаси Вазирлар Маҳкамаси ҳар йили тасдиқлайдиган рўйхатлар бўйича олиб келинадиган ускуналар ва автотранспорт воситалари, шунингдек материаллар ва ускуналар учун эҳтиёт қисмлар;
• Б) "Ергеодезкадастр" давлат қўмитаси, Давлат геология қўмитаси ва "Ўзбекнефтгаз" МХК Иқтисодиёт вазирлиги ва Молия вазирлиги билан келишилган рўйхатлар бўйича олиб келинадиган космик суратга олиш материаллари, ускуналар ва уларга ишлов бериш учун дастурий таъминот 17.01.2007 йилдан 1.01.2011 йилга қадар акциз солиғи тўлашдан озод этилади;
• 11. Ўзбекистон Республикаси Президентининг 8.07.2008 йилдаги ПҚ-910-сон қарорининг 10-бандига асосан Ўзбекистон Республикаси Халқ таълими вазирлиги “Болалар мусиқа ва санъат мактабларининг моддий-техник базасини мустаҳкамлаш ва уларнинг фаолиятини янада яхшилаш бўйича 2009-2014 йилларга мўлжалланган давлат дастури” доирасида болалар мусиқа ва санъат мактабларининг моддий-техник базасини мустаҳкамлаш учун олиб келинадиган мусиқа асбоблари ва махсус ускуналари 1.01.2015 йилгача акциз солиғи тўлашдан озод этилади ва бошқалар.

Корхона акциз тўланадиган маҳсулот ишлаб чиқаради. Акциз солиғининг ставкаси 5%ни ташкил қилади. Товарнинг акциз ва ҚҚСсиз нархи - 87 000 сўм. 3 дона миқдорида товар реализация қилинган. Етказиб бериш қиймати ҚҚСни ҳисобга олган ҳолда 328 860 сўмни ташкил қилган.

• Ҳисобварақ-фактура ёзиб берилаётганида жадвал қисмини қуйидаги тартибда тўлдириш керак:
• 4-“Нархи” устунида товар бирлиги нархи кўрсатилади;
• 5-“Етказиб бериш қиймати” устунида миқдорни (3-устун) нархга (4-устун) кўпайтириш билан аниқланадиган етказиб бериш қиймати, яъни 261 000 сўм (3 х 87 000) кўрсатилади;
• 7-“Акциз суммаси” устунида белгиланган формула бўйича ҳисоблаб чиқарилган акциз солиғи суммаси кўрсатилади. Мазкур мисол бўйича акциз 13 050 сўмни (261 000 х 5%) ташкил қилади;
• 9-“ҚҚС суммаси” устунида қўшилган қиймат солиғи суммаси – 54 810 сўм ((261 000 + 13 050) х 20%) кўрсатилади.
• 10-“ҚҚСни ҳисобга олган ҳолда етказиб бериш қиймати” устунида – акциз солиғи ва қўшилган қиймат солиғини ҳисобга олган ҳолда етказиб беришнинг тўлиқ қиймати (5-устун + 7-устун + 9-устун) кўрсатилади. Мазкур мисол бўйича етказиб беришнинг тўлиқ қиймати 328 860 сўмга
• (261 000 + 13 050 + 54 810) тенг.

Товар, (фоизлар, хизматлар) номи	Ўлчов бирлиги	Миқ дори	Нархи	Етказиб бериш қиймати	Акциз солиғи		ҚҚС		ҚҚС ҳисобга олинган ҳолда етказиб бериш қиймати
					ставкаси	суммаси	ставкаси	суммаси
1	2	3	4	5	6	7	8	9	10
Акцизости товар	дона	3	87 000	261 000	5%	13 050	20 %	54 810	328 860
Тўлашга жами:	уч юз йигирма саккиз минг саккиз юз олтмиш сўм