Mavzu: anorganik birikmalarning eng muhim sinflari

Bir asosli kislotalar – molekulasida bitta vodorod atomi saqlagan kislotalar. Masalan: HOCN – Sianat kislota, HMnO₄ – Permanganat kislota, HIO₃ – Yodat kislota, HBrO₄ – Perbromat kislota, HBrO₂ – Bromit kislota, HBr – Bromid kislota, HI – Yodid kislota, HCl – Xlorid kislota, H₃PO₂ – Gipofosfat kislota, HCOOH – Metan (CHumoli) kislota, CH₃COOH – Etan (Sirka yoki atsetat) kislota va h.z.
Ikki asosli kislotalar – molekulasida ikkita vodorod atomi saqlagan kislotalar. Masalan: H₂FeO₄ – Ferrat kislota, H₂UO₃ – Uranit kislota, H₂MnO₄ – Manganat kislota va h.z.
Uch asosli kislotalar – molekulasida uchta vodorod atomi saqlagan kislotalar. Masalan: H₃VO₄ – Vanadat kislota, H₃AsO₄ – Arsenat kislota, H₃PO₄ – Ortofosfat kislota, H₃AlO₃ – Alyuminat kislota va h.z.
To‘rt asosli kislotalar – molekulasida to‘rtta vodorod atomi saqlagan kislotalar. Masalan: H₄P₂O₇ – Difosfat (Bifosfat) kislota, H₄SiO₄ – Ortosilikat kislota, H₄MnO₄ – Ortomanganit kislota, H₄PbO₄ – Ortoplyumbat kislota va h.z.
Besh asosli kislotalar – molekulasida beshta vodorod atomi saqlagan kislotalar. Masalan: H₅IO₆ – Peryodat kislota va h.z.
Kislotalarning nomlanishi
Kislotalar 1979 yilda IYUPAK qabul qilgan nomenklaturaga asosan nomlanadi.
1. Kislorodsiz kislotalar kislota hosil qilgan element nomiga “id” qo‘shimchasi qo‘shib nomlanadi: HF – ftorid, HCl – xlorid, HBr – bromid, H₂S – sulfid, HCN – sianid, HN₃ – azid, H₂Se – selenid, H₂Te – tellurid, HCNS – rodonid va h.z.
2. Kislorodli kislotalar kislota hosil qiluvchi elementning oksidlanish darajasiga (valentligiga) asoslanib nomlanadi:
a) Eng past oksidlanish darajasida bo‘lsa “gipo” old qo‘shimchasi qo‘shiladi: HClO – gipoxlorit, HBrO – gipobromit, HIO – gipoyodit va h.z.,
b) O‘rtacha oksidlanish darajasida bo‘lsa “it” qo‘shimchasi qo‘shib nomlanadi: HNO₂ – nitrit, H₃PO₃ – fosfit, H₃AsO₃ – arsenit, H₂SO₃ – sulfit, H₂SeO₃ – selenit, HClO₂ – xlorit, HBrO₂ – bromit va h.z.,
v) Yuqori oksidlanish darajasida bo‘lsa “at” qo‘shimchasi qo‘shib nomlanadi: HNO₃ – nitrat, H₃PO₄ – fosfat, H₃AsO₄ – arsenat, H₂SO₄ – sulfat, H₂SeO₄ – selenat, HClO₃ – xlorat, HBrO₃ – bromat va h.z.,
g) Bir element bir xil oksidlanish darajasida turli kislotalar hosil qilsa, vodorod atomlari kamiga “meta”, ko‘piga “orto” old qo‘shimchasi qo‘shib nomlanadi: HBO₂ – metaborat, H₃BO₃ – ortoborat, H₂SiO₃ – metasilikat, H₄SiO₄ – ortosilikat, HPO₃ – metafosfat, H₃PO₄ – ortofosfat va h.z.,
d) Kislota hosil qiluvchi element juda yuqori oksidlanish darajasida bo‘lsa “per” old qo‘shimchasi qo‘shiladi: HClO₄ – Perxlorat kislota, HBrO₄ – perbromat kislota, HIO₄ (H₅IO₆) – peryodat kislota, HMnO₄ – permanganat kislota va h.z.
e) Ikki molekula bir xil kislota birikib, bir molekula suv chiqib ketishidan hosil bo‘lsa, bunday kislotalar “piro” old qo‘shimchasi qo‘shib nomlanadi: H₄P₂O₇ - pirofosfat (Bifosfat) kislota, H₂S₂O₅ - pirosulfit kislota, H₂S₂O₇ – pirosulfat kislota va h.z.