|
Bristou kampaniyasi.
Potomak armiyasining qo’mondoni general J.Mid Gettisberg jangida qo’lga kiritilgan muvaffaqiyatlarni rivojlantirishga qaror qilib, general Li ning Shimoliy Virginiya armiyasini tor-mor etish maqsadida bir qator hujum harakatlarini amalga oshiradi. General Li Bristo-Steyshen yaqinida Mid armiyasiga qarshi hujumga o’tadi, ammo og’ir yo’qotishlardan so’ng chekinishga majbur bo’ladi. Mid janubga harakatlanishda davom etadi va 7-noyabrda Rappaxanok-Steyshen yaqinida raqibni og’ir mag’lubiyatga uchratadi, hamda general Li armiyasini Rapidan daryosining janubiga uloqtirib tashlaydi. Piyoda qo’shinlar bilan birga, otliqlar ham mazkur g’alabada ahamiyatli rol o’ynagan. Bristou kampaniyasi davomida ikkala tomondan 4815 nafar askar halok bo’ldi.
1863-yilgi kampaniya davomida Konfederatsiya og’ir mag’lubiyatlarni boshdan kechirdi va g’alabaga erishish uchun uning armiyasida hech qanday imkoniyat qolmadi. Uning inson va iqtisodiy zahiralari tugatilgan bo’lib, gap endi janubliklar ittifoqning katta ustunlikka ega bo’lgan kuchlarini qancha vaqtgacha to’xtatib tura olishi haqida borar edi.
Do'stlaringiz bilan baham: | 
