|
Ishning borishi: tirik mikroorganizmlarni o’rganish uchun preparat tayyorlanadi.
Preparat suyuq yoki agarli oziqa muhitida o‘stirilgan ma’lum yoshdagi bakteriya kulturasidan tayyorlanadi. Qiyshiq agar yuzasiga o‘ziga xos sharoitda o‘stirilgan bakteriya kulturasining ko‘zga ko‘ringan o‘sgan qismlaridan preparat tayyorlashda foydalaniladi.
Ezilgan tomchi preparatini tayyorlash. Buyum va qoplag’ich oyna toza holda tayyorlanadi va spirtovka alangasidan 2-3 marta o’tkazib olinadi. Buyum oynasiga steril pipetka bilan steril vodoprovod suvidan bir tomchi tomiziladi (5-rasm). Keyin spirt lampasi alangasida cho‘g‘ bo‘lguncha qizdirilgan mikrobiologik sirtmoq bilan zarur mikroorganizmlar olinib, suv tomchisiga qo‘shib aralashtiriladi. Shundan keyin sirtmoq qizdirilib, undan qolgan mikroorganizmlar yo‘q qilinadi. Mikroorganizmlar aralashtirilgan suv tomchisi qoplag‘ich oyna bilan yopiladi, tomchi shu tariqa ezilib, mikroskopda o‘rtacha katta qilib qaraladi.
Qoplag‘ich oynani tomchi chetiga qirrasi bilan qo‘yib, keyin asta-sekin butun tomchini yopish kerak. Shunda qoplag’ich oyna ostida havo qolmaydi.
Do'stlaringiz bilan baham: |
