Mavzu: Atrof muhit tozalik garovi

Tozalash vositalari

Millionlab kishilar har kuni foydalanadigan tozalash vositalarining koʻpchiligi tarkibida salomatlikka jiddiy xavf soladigan kimyoviy moddalar mavjud. Ularning koʻpida kanserogenlar boʻladi. Masalan, kir yuvish uchun tarkibida formaldegid boʻlgan vositalar, zargarlik buyumlarini tozalash vositalarining ayrimlarida sogʻliq uchun zararli boʻlgan perxloretilen bor.

Baxtimizga hozirgi kunda uyni tabiiy vositalar bilan tartibga solish usullari mavjud. Bundan tashqari, agar tabiiy vositalar tarafdori boʻlsangiz, sirka, limon, yogʻ va osh sodasi sizning yordamchingizga aylanadi.

Tamaki tutuni

Hech kimga sir emaski, tamaki tutunidan zaharlanish uchun chekish shart emas. Uzoq vaqt davomida chekuvchining yonida boʻlish yoki yaqindagina tamaki chekilgan xonada qolishning oʻzi yetarli. Aynan shuning uchun ham uy ichida chekish – yaxshi fikr emas. Bu nafaqat siz, balki yaqinlaringiz uchun ham achinarli oqibatlar keltirishi mumkin.

Maʼlumki, sigareta tarkibida bir necha minglab turli kimyoviy moddalar mavjud, ulardan 70 dan ortigʻi kanserogen sanaladi. Bundan tashqari, achinarli statistikaga koʻra, 1964- yildan boshlab, 2,5 mlndan ortiq kishi passiv chekishdan vafot etgan. Oʻzingiz va yaqinlaringizni asrashning eng yaxshi usuli – uyda chekishni man etish, ayniqsa, eshik va derazalar berk boʻlganda.