Mavzu: Dori-darmonlarini organizmga kiritish usullari

Ishdan maqsad. Antibiotiklarni eritish va mushaklar orasiga dori yuborish texnikalarini o’rganish bo’yicha malakalar orttirish.
Kerakli jixozlar: Antibiotiklar (pensilin), steril shprits, bir marta ishlatiladigan shprits va ignalar, 0,5% li novokain eritmasi, steril doka yoki paxta sharcha pinset, fantom mulyaj.
Ishni bajarish tartibi. Antibiotiklarni eritish tartibi quyidagicha: steril shpritsga antibiotik (pensilin) miqdoridagi 0,5 li novokain eritmasi olinadi. U ta’sir birliklarida (TB) dozalanadi, ya’ni 100000 TB ga 1 ml erituvchi, 500000 TB ga 5 ml va xokazo erituvchi olish mumkin. Flaqon qopqog’idagi spirtga xo’llangan steril doka sharcha bilan artiladi. So’ngra steril pinset bilan flakon qopqog’idagi gardishcha olinadi va ochilgan rezina tiqin yana bir marta artib olinadi. Erituvchi (0,5% li novokain) eritmasi to’ldirilgan shprits ignasi bilan flaqon tiqini teshiladi. Eritma asta-sekin flakonga kiritiladi, antibiotiklar (pensilin) eriydi. Keyin flakondagi suyuqlik so’rib olinadi. Antibiotikni isitish mumkin emas u eritilgan xolda bir sutkagacha saqlash mumkin. Yod antibiotiklarni parchalaydi. Shuning uchun flakon tiqini yoki in’yeksiya qilinadigan soxa yod bilan artilmaydi.
Mushaklar orasiga in’yeksiya qilish texnikasi quyidagicha: shpritslar tibbiyet hamshirasi qo’li va in’yeksiya qilinadigan soxa terisi aseptikaning umumiy qoidalariga asosan tayyo’rlanadi.
Tibbiyot hamshirasi qo’lini iliq suvda sovunlab yuvadi. Qo’lini sochiqqa artmay turib, qo’lini spirt bilan artadi. Shpritsni yig’adi va unga kerakli miqdorda dori to’ldiriladi. So’ngra spirtga xo’llangan steril paxta bo’lakchasi bilan bemorning in’yeksiya qilinadigan soxasi artiladi. Dori dumba soxasiga yuborilganda bemor qorni bilan yoki yonbosh xolatda yotadi. Shprits quyidagicha ushlanadi: 2 barmoq porshenni u barmoq igna muftasini to’tib turadi. Dumbaning xayolan turt qismga bulinib tashqi kvadrati tanlab olinadi. Shprits bemorning nisbatan tik xolatda ushlanib dadil harakatlar bilan ignani teri burmasining o’rtasiga 7-8 sm ichkariga kiritiladi. Igna muftasi ustidan 2 sm qoldiriladi, chunki igna ko’pincha shu joydan sinadi. Shundan keyin porshenni tortib ko’riladi va ignaning qon tomiriga to’shganligiga ishonch hosil qilingach shpritsda qon paydo bo’ladi keyin porshenni bosib eritmani asta-sekin yuboradi. Igna sanchilgach joyidagi teri atrofini chap qo’l bilan tortiladi. Ignani chaqqonlik bilan chiqariladi, teriga spirtga xo’llangan steril paxta tampon bosiladi.